Tierrantona

De Biquipedia
Ir a la navegación Ir a la búsqueda
Tierrantona
Localidat d'Aragón
A plaza de Tierrantona
A plaza de Tierrantona
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

126 hab. (2011)
Altaria 634 m.
Distancia
 • 127 km
 • 17 km

enta Uesca
enta l'Aínsa
Codigo postal 22336
Parroquial
 • Diocesi
 •Arciprestato

Balbastro-Monzón
Sobrarbe
Tierrantona en Aragón
Tierrantona
Tierrantona
Situación de Tierrantona en Aragón

Tierrantona ye un lugar aragonés d'o municipio de a Fueva, en a comarca d'o Sobrarbe y a provincia de Uesca. A suya población ye de 126 habitants (2011[1]).

Tierrantona ye a cabecera u capital municipal de o municipio d'a Fueva, ye a on se troba a Casa d'a Villa y o nuclio con más servicios municipals, a demés d'estar o más poblau d'o municipio. Se tracta d'un nuclio que aparenta tener nueva planta, tot y que se o ha puesto trobar mentau en documentos tan antigos como en primerías d'o sieglo XII.

Cheografía y historia[editar | editar código]

Tierrantona ye en o plano de a cul d'a Fueva, en a zona de baixa altitut, en a riba dreita d'o barranco d'a Usía, a bells 3 kilometros en sud-este d'o tozal de Sant Salvador y por a par d'a on remata l'antigo termin municipal de Ranyín. A la contra de como pasa con a mayoría de nuclios de población de a subcomarca de a Fueva, Tierrantona no pareix que haiga tenido nunca un plantiamiento defensivo, pus se troba a poca altitut y ye bien accesible dende totz os costaus.

Seguntes o medievalista Agustín Ubieto, o nombre de Tierrantona amaneix en os documentos historicos de tan antigos como de l'anyo 1102, quan que diz que daba nombre a un castilletMurel de Terranthona») que s'heba de trobar en os arredols, y que ell va identificar con l'actual Moriello de Monclús.[2] En o fogache de 1495, se a decumenta con o nombre de «Tierra Anthona», y en 1488 s'ha puesto saber que teneba 11 fuegos[3] (casas).

Manimenos, a ilesia de lugar ye o solo edificio medieval que i queda. Data d'ixe mismo sieglo XII[4] de quan Ubieto troba decumentacions, y ye consagrada a l'advocación de l'Asumpción de María.[4] Ye un templo romanico d'una sola nau, con a estructura muit bien guardada y o tellau con bastida de fusta ha gosau mantener-se fiel a os plantiamientos regulars d'o sieglo XII. En o sieglo XVII y en o XVIII le se van adhivir dos capilletas laterals, de as quals, a que miraba t'a plaza de lugare se va eliminar y ha gosau deixar a marca en a frontera.[4] Ye una ilesia gran en comparanza con as de belaltros lugars de Sobrarbe en ixas envueltas, o que fa veyer que Tierrantona no debeba d'estar un lugar guaire chicorrón, lo menos en os tiempos en os que se va construir.

A man de o lugar, no fa guaires anyos se va trobar as enrunas d'una villa romana,[3] que podría estar a oríchen d'o toponimo «Tierrantona», («Tierra d'Antonius») y que confirmaría as tesis de o difunto investigador Manuel Benito Moliner, que va indicar como posible ixa presunta relación de pertenencia a bell presonache de nombre «Antonius»[5] u «Antoninus».

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 124 124 127

2003 2004 2005 2006 2007 2008 2009 2010 2011
122 121 118 119 117 123 121 126 126

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens[editar | editar código]

Fiestas[editar | editar código]

Referencias[editar | editar código]

Vinclos externos[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa