A Lueza (Charo)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre A Lueza, que ye una entidat poblacional menor en A Fueva. Ta o municipio de os Monegros, se veiga A Lueza.

A Lueza Alueza
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	9 hab. (2011)
Altaria  • Meyana	690 m.
Distancia  • 125 km  • 15 km  • 2,5 km	enta Uesca enta L'Aínsa enta Tierrantona
Codigo postal	22336
Patrons	Sant Martín de Tours
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas
A Lueza A Lueza en Aragón

A Lueza (oficialment, en castellano, Alueza) ye un lugar aragonés d'o municipio d'a Fueva, en a comarca de Sobrarbe y a provincia de Uesca. A suya población ye de 9 habitants (2011).

Va estar parte d'o municipio de Charo dende 1834 dica l'absorción en o municipio de Muro de Roda en o periodo intercensal 1842-1857. Ye o solo lugar que tanto Charo como Muro de Roda van tener en a riba oriental de o barranco d'a Usía. Dende a decada de 1960 se troba integrau en o municipio de a Fueva.

Cheografía

A Lueza se troba en un cantimplano en a parte baixa de o solano que sinyorea Ranyín, adintro de a subcomarca natural d'a Fueva, rodeyau 360º por fincas agricolas que han gosau estar a base economica tradicional de a localidat, y comunicau con un caminet de bel ciento de metros con a pista asfaltada que en baixando por o Lumo de Ranyín comunica Ranyín con a carretera local HU-V-6442 aman de Charo.

Se troba en a cuentra de o tozal de Charo con o barranco d'a Usía, anque mas alto que no lo paso de o dito corso d'augua, y se concara aproximadament a 1 kilometro linial de Charo (bella cosa mas en contando os desnivels que cal salvar ta ir-ie), que enantes yera accesible dende a fondonada de a Usía chusto por debant de a Lueza. Por debaixo d'a Lueza, o solano de Ranyín prencipia a perder altaria poquet-a-poquet dica Tierrantona (que ye en a fondonada d'a Usía), que dista bels 2 km linials y 2,5 si se i va por a carretera.

Urbanistica

As casas de a Lueza s'estructuran arredol d'una sola carrera, en a que se i presenta la primer construcción una torraza defensiva ta guardar a dentrada ta l'aldeya, que en l'actualidat tiene bel altro uso. Una d'as tres casas ye Casa Lueza, un casal fortificau que omne data d'oríchens arquitectonicas romanicas, y que s'ha quiesto considerar o primordio de a población. Como pasa tamién con belaltras casas fuertes por tot a Fueva, se puede logar a casa Lueza como vivienda de turismo rural.

Demografía

Evolución demografica

1992 1994 1996 1997 1998 1999 2000 2001 2002 - - - - - - 11 11 11

2003 2004 2005 2006 2007 2008 2009 2010 2011 11 11 11 10 10 10 8 8 9

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Etimolochía

D'alcuerdo con o investigador Manuel Benito Moliner, o toponimo «a Lueza», como tamién pasaría con os altros lugars que en Aragón contienen o nombre «lueza», dimanaría de a parola latina <*LOSA por trobar-se toz en cantimplanos. Ixe termin se conoix que yera una parola exclusiva d'o latín parlau en Hispania, amprada posiblement de bella luenga celtica charrada por os nativos.

Fiestas

• 1 de mayo, fiesta menor, fendo-le honras a Sant Salvador, que se celebra de conchunta con os vecins de Charo y d'o Pocino.
• 11 de noviembre, Fiesta Mayor, fendo-le honras a Sant Martín.

Referencias

• Datos: Q8196777
• Multimedia: Alueza / Q8196777