Fosau

De Biquipedia
Ir ta: navego, busca
Fosau
Localidat d'Aragón
063.Fosau alto.jpg
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

27 hab. (2011)
Altaria 759 m.
Distancia
 • 125 km
 • 15 km
 • 11,6 km

enta Uesca
enta L'Aínsa
enta Tierrantona
Codigo postal 22452
Parroquial
 • Diocesi
 •Arciprestato

Balbastro-Monzón
Sobrarbe
Fosau en Aragón
Fosau
Fosau
Situación de Fosau en Aragón

Fosau (oficialment, en castellano, «Fosado») ye un lugar aragonés d'o municipio d'a Fueva, en a provincia de Uesca y comarca d'o Sobrarbe. A suya población ye de 27 habitants (2011[1]). Qualques vegadas, encara en l'actualidat, se'l conoix como «Fosau Baixo», anque iste nombre pareix que se tracta d'un artificio de motivación historica.

O lugar o composan dos vicos deseparaus por bells dos cientos metros, lo un que prene nombre de Villa[2] (l'alto) y l'altro Soldevilla[2] (o baixo). Nomás o vico alto tiene estructura urbana, arroclando-se-ie as casas a redol d'una sola carrera, mientres que o vico de Soldevilla as tiene deseparadas. Fosau se troba a poca distancia por alto de Fuent de Campo, en as garras d'a sierra Ferrera, debaixo d'un cerro chicanón, fendo parte d'a subcomarca tradicional que se'n diz «Baixo Penyas». En l'actualidat, se i gosa arribar por una carretereta asfaltada anque sin senyalización horizontal, que naixe en a cruz d'a N-260 (de l'Aínsa ta Campo) con a carretera local que, en dirección sud, conduz cara ta Tierrantona y a suya Fueva. A continación d'ista carretereta s'enfila cara ta os casars d'o Baixo Penyas y ta Sant Veturián (realment, yera o camín que tradicionalment i puyaba d'enantes), y en pasando t'alto de Moliniars se torna de tierra.

En a tradición oral se conoix que Fosau va tener bella suerte d'achuntamiento propio que se formaba con bells lugarons d'a baixant de Baixo Penyas. Os vicos de Villa y Soldevilla (ixo ye, o lugar de Fosau propiament dito) formaban o que a par d'alavetz se conoixeba como «Fosau Baixo»[2] (oficialment «Fosado Bajo»[2]), y os casars de Moliniars, a Marinyosa, a Mula y o Mediano que en chunto formaban o dito «Fosau Alto» («Fosado Alto»[2]). Ixas denominacions s'han gosau guardar en a memoria popular, y en l'actualidat encara ye posible sentir a expresión «Fosau Baixo» ta referir-se de forma concreta a o nuclio de Fosau.

Historicament, Fosau fizo parte d'o municipio de o Toledo d'a NataToledo de Lanata») dica la desaparición d'iste, en fusionando-se con os achuntamientos d'a foya d'a Fueva ta formar a Fueva.


Evolución demografica
1992 1994 1996 1997 1998 1999 2000 2001 2002
- - - - - - 24 29 28
2003 2004 2005 2006 2007 2008 2009 2010 2011
31 32 34 31 33 32 30 28 27
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens[editar | editar código]

Fiestas[editar | editar código]

  • Un cabo de semana de chulio, Fiesta Mayor.[2] O día que s'escaiga pende d'os vecins y l'afluencia de familiars que se faigan previsión de puyar-ie.
  • 13 d'aviento, fiesta d'hibierno,[2] fendo honras a Santa Lucia.

Referencias[editar | editar código]

Vinclos externos[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa