A Corona (Muro de Roda)

De Biquipedia
Ir a la navegación Ir a la búsqueda
Iste articlo tracta sobre A Corona. Ta altros emplegos d'a parola «Corona» se veiga Corona (desambigación).
A Corona
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

0 hab. (2010)
Altaria ±700 m.
Distancia
 • 127 km
 • 17 km
 • 9 km

enta Uesca
enta L'Aínsa
enta Tierrantona
Codigo postal 22336
Parroquial
 • Diocesi
 •Arciprestato

Balbastro-Monzón
Sobrarbe
A Corona en Aragón
A Corona
A Corona
Situación de A Corona en Aragón

A Corona (oficialment, en castellano, «La Corona»[1]) ye un lugar aragonés d'o municipio de a Fueva, en a comarca de Sobrarbe y en a provincia de Uesca. En l'actualidat ye despoblau.[2][1]

Se troba en un collau de poqueta altaria que comunica a fondonada d'a Fueva con a val d'a Cinca, d'entre as garras d'o tozal de Griébal y o tozal de Muro de Roda. Be de distar 1,5 kilometros de a Lecina y alto u baixo igual de a pardina de Montero, todas dos en dos camals d'o camino que baixa t'a inundada ribera d'a Cinca y Arasanz, cacegaus por l'entibo de Mediano. Por a man d'o collau que mira t'a Fueva, a 1 km u cosa asinas se troba Susiaz y poquet más luent, en seguindo a pista camino ta Arro, a Plana.

A Corona ye un lugar chicorrón, formau por bellas casas en una sola carrera y sin garra ilesia, por o que ta os servicios relichiosos no disposaba si que d'una capilleta que omne ha puesto datar en o sieglo XIX.[2] L'edificio millor destacable de o lugar ye Casa Oncins, un casal noble de grans dimensions. Como tamién pasa con qualques lugarichons de a redolada, como a Lecina, a Plana u o Pamporciello, a estructura urbana ye centrada en un u dos casals fuertes y no se i tiene ta oficios si que a tipica capilleta que gosan tener todas as pardinas, o que fa pensar que se pueda tractar de nuclios creixidos a partir d'una pardina antiga, a on que se i habrían dido adhivindo casas más humildes con os anyos.

En chunto con belaltras pardinas d'a redolada y qualques lugars, va estar parte d'o municipio de Muro de Roda, dica l'absorción d'iste ta formar-se l'achuntamiento de a Fueva en o decenio de 1960.[3]

Referencias[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa