Sant Mitier (Mediano)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Sant Mitier, que ye un lugar d'Aragón. Ta altros usos de «Sant Mitier» se veiga Sant Mitier (desambigación).

Sant Mitier Samitier
Lugar d'Aragón
A torre de l'antiga ilesia de Sant Mitier, actual campanal exento de a nueva.
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	12 hab. (2010)
Altaria  • Meyana	747 m.
Distancia  • 100 km  • 9 km  • 16 km	enta Uesca enta l'Aínsa enta Tierrantona
Codigo postal	22394
Patrons	Santa María de l'Asumpción y Sant Antón Abat
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Asumpción de Ntra. Sra.
Ríos	Bco. Sant Antón y río Susía
Coordenadas
Sant Mitier Sant Mitier en Aragón

(oficialment, en castellano, Samitier) ye un lugar aragonés d'o municipio d'A Fueva, en a comarca de Sobrarbe y a provincia de Uesca. A suya población ye de 12 habitants (2010).

Cheografía y historia

O lugar de Sant Mitier se troba en as garras d'o tozal de Sant Mitier por a man solana (occidental), en a val d'o río Susía y a poca distancia d'o río Cinca.

Feba parte de a dita ribera de Mediano, que con Mediano en cabeza yera una d'as arias de millor cultura en toda a comarca de Sobrarbe. Manimenos, con a construcción de l'entibo de Mediano en 1969 se cacegó buena cosa d'as fincas, y con mas importancia, a capital municipal que yera Mediano.

Tenió un municipio propio dende 1834 dica o periodo intercensal 1842-1857, cuan que s'achuntó con o municipio de Mediano. Dende a decada de 1970, Sant Mitier, Mediano y Arasanz fan parte d'o municipio de A Fueva.

Urbanistica

O casar de Sant Mitier se troba en fendo costera por as garras d'o tozal homonimo, con bellas casas desalpartadas que tansament guardan garra estructura urbana. A plaza d'o lugar ye chicorrona, situada en chunto a la nau d'a ilesia de Sant Miguel Arcánchel, d'o sieglo XVII y que no tiene campanal. En a plaza se troba a emblematica fuent con calavreras.

Un d'os elementos mas visibles que se troba en as inmediacions de lugar ye a torre d'a ilesia antiga, que posiblement teneba estilo romanico y que fue destruida. A torre, que ye a sola parte d'ixa ilesia que s'ha puesto guardar, ni an a tamas de trobar-se difuera d'o casar (en una era en a part baixa d'o lugar, por alto d'a carretera A-138) s'ha quiesto fer funcionar ta campanal ta la ilesia de Sant Miguel, que sí que ye bels metros ta lalto, en o casco urbano.

Historia medieval

As oríchens historicas de Sant Mitier cal mirar-las en a Edat Meya, y se troban estretament relacionadas con os Castiellos de Sant Mitier, que coronan o cuitiello d'o tozal.

Os castiellos (en verdat no en i hai si que uno, l'altro ye una torre barranya exenta y a demés i hai una ermita) son reconstruccions cristianas sobre una obra anterior d'epoca musulmana (y no purament cristianos, como bellas vegadas s'heba quiesto creyer), feitos en o sieglo XI. S'ha puesto documentar que se trobaban baixo dominación de Sancho lo Mayor cara ta 1030, y se conoix que no se movión ya de mans cristianas en os reinaus posteriors.

O nombre de Sant Mitier dimana probablement de l'advocación de a ilesia (actualment ermita) que teneba o conchunto defensivo. Por a importancia estratechica d'o conchunto d'os castiellos, se'n troba constancia documental como «Sant Emeteri» en a Cronica de Sant Chuan de la Penya (s. XIV). Tamién amaneix con a denominación «Sancto Meterio», latinizada exprofés, en belaltro documento medieval, y como «Sanmitier» (forma previa a la castellanización «Samitier») a partir d'o sieglo XVI. A denominación «Sant Mitier» tamién s'ha trobau en textos aragoneses d'a baixa Edat Meya.

Imáchens

• 
  A fuent d'as calavreras.
• 
  Un balcón en Sant Mitier.
• 
  Recolón de Sant Mitier.

• 
  Una casa en Sant Mitier.
• 
  O congosto de l'Entremont dende os castiellos.
• 
  Ermita de Sant Mitier y Sant Celedonio.

Demografía

Evolución demografica

1992 1994 1996 1997 1998 1999 2000 2001 2002 - - - - - - 3 7 7

2003 2004 2005 2006 2007 2008 2009 2010 2011 7 8 9 9 9 9 9 12 -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Fiestas

• 17 de chinero, fiesta d'hibierno fendo-le honras a Sant Antón Abat.
• Domingo mas aman de o 17 de chinero, primera romería ta la ermita de Sant Antón.
• Domingo mas aman de o 3 de marzo, romería ta la ermita de Sant Mitier y Sant Celedonio.
• 13 de chunio, segunda romería ta la ermita de Sant Antón.
• 15 d'agosto, Fiesta Mayor fendo-le honras a la virchen d'agosto.

Se veiga tamién

• Entremont (desambigación)
• Ermita de Sant Mitier y Sant Celedonio.
• Castiello de Sant Mitier

Vinclos externos

• Se veigan as imáchens de Commons sobre San Metier.

• Datos: Q3572879
• Multimedia: Samitier / Q3572879