Salinas de Trillo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre Salinas de Trillo. Ta altros emplegos d'o termin «salina» se veiga Salina (desambigación).
| Salinas de Trillo | |
| Lugar d'Aragón | |
 | |
| Entidat • País • Provincia • Comarca • Municipio |
Lugar Aragón.svg){kind=small} UescaSobrarbe A Fueva (municipio) |
| Partiu chudicial | Boltanya |
| Población • Total |
9 hab. (2011) |
| Altaria • Meyana |
780 m. |
| Distancia • 103 km • 25 km • 10,5 km |
enta Uesca enta L'Aínsa enta Tierrantona |
| Codigo postal | 22438 |
| Parroquial • Diocesi • Arcipestrau • Parroquia |
Balbastro-Monzón Sobrarbe-Ribagorza Santa Ana |
| Coordenadas | |
Salinas de Trillo ye un lugar aragonés en o municipio de a Fueva, en a comarca de Sobrarbe y a provincia de Uesca. A suya población ye de 9 habitants (2011[1]).
Cheografía
[editar | modificar o codigo]Salinas se troba en as garras meridionals de o tozal de Sant Marcos (u «de Trillo»), en a cuenca d'o barranco d'o Salinar que ye afluent directo d'o río Cinca por a cuentra de Ligüerre. No fa parte d'a subcomarca natural d'a Fueva, anque dende a decada de 1960 os nuclios d'a redolada se troben incorporaus en o municipio de a Fueva.[2] Manimenos, de siempre s'ha puesto tener muita relación con os nuclios d'a Fueva propiament dita, en a que de Salinas se'n gosaba comprar a sal,[3] y arribando dica a compartir tradicions liturchicas y relichiosas con os fovanos, como en ye la romería anyal ta'l santuario de Santa María de Bruís, a poquez kilometros en o costau de a Fueva de o tozal de Trillo.
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Toponimia
[editar | modificar o codigo]O nombre de Salinas dimana d'a expleitación de sal en o barranco d'o Salinar, que ye lo mas probable orichen de l'asentamiento en o lugar. L'augua de o dito barranco ye rica en minerals, y dende fa sieglos se tiene conoiximiento d'expleitacions salinas en a redolada. Un diapiro de materials triasicos de facies Keuper explica a salinización de l'augua d'este barranco (como en atras localidaz d'as sierras exteriors pirenencas a l'este d'a sierra de Sevil).[4] Os afloramientos de Keuper son tovos (erosionabilidat alta), y fan fácil a formación de foyas con acuiferos y suelos salinizaus.
S'ha puesto documentar o nombre como «Salillas» antes de 1717,[3] y ixo lo emparentaría con belaltros toponimos que se puede trobar en Chunzano, Nocito y Sesa.[5] A partir de 1717 ya pasa a nombrar-se «Salinas»[3] y posiblement l'apelativo «de Trillo» dimana d'a suya pertinenza a lo municipio que teneba capital en Trillo (a poquet mas d'1 km de Salinas), fusionau en o municipio de Clamosa a partir de 1857.[2][6]
Monimentos
[editar | modificar o codigo]
A ilesia de salinas ye o suyo principal monimento; datada en o sieglo XII ye un templo romanico con abside semicircular y una estrcutura que recorda a la ilesia de Sant Chuan d'o Toledo d'a Nata,[7] a l'extrimo oposau de a Fueva. En a decada de 2000 s'ha restaurau a ilesia, y s'ha lempidau o contorno, derribando-se-ie cualques bordas y edificios que i heba, ta fer-la de millor admirar,[7] anque tot ixo le ha dau un aspecto artificial de templo isolau que no ye o suyo aspecto historico natural.[7]
En Salinas tamién existe un casal fortificau, deseparau de o gruixo d'a población, que ha nombre Casa Palacio. Datau en o sieglo XVI,[3][7] tiene una torre de base semicircular que serviba ta guardar millor defensa. Por a suya cronolochía, s'ha puesto emparentar con a epoca en a que tanto Salinas como Trillo feban parte d'a baronía de Monclús y con o beneplácito d'os barons sirvión ta base operativa de bellas mesnada bandosas en o conflictivo periodo d'as guerras de Ribagorza.[8] Pareix que en iste sentido, a presencia de o capitoste bandoso Lupercio Latrás estaría atestiguada en a localidat.[8]
Imáchens
[editar | modificar o codigo]-
-
-
Casa Palacio.
Fiestas
[editar | modificar o codigo]- 24 d'abril, romería ta'l santuario d'a Madama de Bruís.[9]
- 25 d'abril, fiesta menor, fendo-le honras a Sant Marcos.[9]
- 26 de chulio, Fiesta Mayor, fendo-le honras a Santa Ana.[9]
Se veiga tamién
[editar | modificar o codigo]Referencias
[editar | modificar o codigo]- ↑ (es) «Salinas de Trillo» en a subpachina «Relación de unidades poblacionales» d'o Instituto Nacional de Estadística, consultada o 22 de marzo de 2012.
- ↑ 2,0 2,1 (es) «Clamosa» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 d'aviento de 2010
- ↑ 3,0 3,1 3,2 3,3 (es) «Salinas de Trillo» en a pachina oficial de l'achuntamiento d'a Fueva, consultada l'1 d'aviento de 2010.
- ↑ (es) Luisa María Frutos Mejías, María Carmen Chueca Diago, María Teresa Echeverría Arnedo, Francisco Pellicer Corellano, José Luis Peña Monné, et al.: Enciclopedia Temática de Aragón. Tomo V: Geografía. Ediciones Moncayo, 1987. p. 51.
- ↑ (es) Índice de pueblos del Alto Aragón, el orígen de sus nombres. Por Manuel Benito Moliner. Consultau l'1 d'aviento de 2010.
- ↑ (es) «Trillo» en a pachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 d'aviento de 2010
- ↑ 7,0 7,1 7,2 7,3 (es) «Salinas de Trillo» en a pachina Arquivoltas.com, consultada l'1 d'aviento de 2010.
- ↑ 8,0 8,1 (es) Despoblados del antiguo municipio de Clamosa por Manuel Benito Moliner; consultau l'1 d'aviento de 2010.
- ↑ 9,0 9,1 9,2 (es) Calandario de fiestas en a pachina oficial de l'achuntamiendo d'A Fueva; consultada l'1 d'aviento de 2010.
Vinclos externos
[editar | modificar o codigo]
Se veigan as imáchens de Commons sobre Salinas de Trillo.
| Lugars d'o municipio d'a Fueva | |
|---|---|
| Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | A Cuesta | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniás | Montero | A Mula | Muro de Roda | A Nau | A Olivera | O Pamporciello | La Penilla | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa |
| Control d'autoridaz |
|
|---|
Datos: Q9072885- Multimedia: Salinas de Trillo / Q9072885