Escatrón
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Escatrón | |||
| Municipio d'Aragón | |||
| |||
 | |||
| Entidat • País • Provincia • Comarca |
Municipio Aragón.svg){kind=small} ZaragozaRibera Baixa de l'Ebro | ||
| Partiu chudicial | Casp | ||
| Superficie | 94,64 km² | ||
| Población • Total |
1174 hab. (2013) | ||
| Altaria • Meyana |
143 m. | ||
| Distancia • 78 km |
enta Zaragoza | ||
| Codigo postal | 50790 | ||
| Chentilicio | escatronero | ||
| Patrons | Santa Agueda[1] | ||
| Parroquial • Archidiocesi • Arcipestrau • Parroquia |
Zaragoza Casp Asumpción de Ntra. Sra. | ||
| Ríos | Ebro | ||
| Coordenadas | | ||
| Web oficial | |||
Escatrón ye un municipio aragonés en a comarca d'a Ribera Baixa de l'Ebro y d'a provincia de Zaragoza. Fa parte d'o partiu chudicial de Casp.
A suya población ye de 1.121 habitants (2011) en una superficie de 94,64 km², con una densidat de población d'11,84 hab/km².
Cheografía
Ye situato a 143 metros d'altaria sobre o ran d'a mar, en a confluyencia d'o Martín con l'Ebro. Ye a una distancia de 78 km de Zaragoza, accesible por as carreteras N-232 y A-221.
Mugas
O termin municipal d'Escatrón muga a o norte con Sastago; a l'este con Chiprana; a o sudeste con Sant Per de Calanda, Alcanyiz y Casp; a o sud con Castenló y a l'ueste con Sastago.
| Sastago | ||
| Sastago | 
|
Chiprana |
| Castenló | Sant Per de Calanda, Alcanyiz, Casp |
Historia
L'antiga Scatro d'os romanos fue conquiesta por Alifonso I en 1133.[1] Mientres siet sieglos, estió una dependencia feudal de l'amanato monesterio de Rueda, que se troba a l'atro canto de l'Ebro.[1] En chunio de 1234 o rei Chaime I d'Aragón i recibió a o rei Ferrando III de Castiella.[1]
A expulsión d'os moriscos comportó un important golpe ta Escatrón, encara que a diferencia d'atros puestos de l'arredol a población cristiana superaba en cifras a los moriscos.[2]
Mientres a Guerra Civil Espanyola melicians anarcosendicalistas plegatos en columnas dende Barcelona ocuporon Escatrón en agosto de 1936, estando asinas a localidat en mans d'o Consello d'Aragón dica que o 12 de marzo de 1938, mientres a ofensiva d'Aragón, tropas franquistas i dentroron.[2]
O lugar viello
O lugar viello tiene casas d'os sieglos XVII y XVIII. Yera en fondo y con o problema d'os fumos d'a central termica; o lugar nuevo ye en un puesto millor situato, alto y plano, pa evitar os fumos. En o termino bi ha chacimientos ibero-romanos.
Literatura
En o dance d'Escatrón se troban charratas en aragonés central, ye facil que por a presencia de pastors tensinos en a redolada dende fa sieglos. Eixemplos d'esto son estas linias sueltas:
- Churo a Dios, señores míos
- seguntes barrunto son chen de diablos
- por astí en esta casa
- según en vapor que me ha dato
- mas a ver si se veyen
- que será caso nombrato
- mas yo faré d'as mías
- en todos nuestros traballos
- Cómo, señor, que no tiengo
Toponimia
O suyo nombre promana d'o nombre de persona en latín "Scaterius".[3]
En Escatrón bi ha bel toponimo con component en aragonés como as partidas de Novallas, Romaneta, Tomargo, Los Planos, El plano, La mechana, L'Enbitero, Cotón, El Mocatero, La Cerollera, La Radigüela, Efesa, etc.
Demografía
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Administración
Reparto de concellers
| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | 2 | 6 | 7 | 5 | 5 | 5 | 4 | 5 | 5 |
| Partido Popular | - | 1 | 1 | 4 | 4 | 2 | 3 | 3 | 3 |
| Partido Aragonés | - | 2 | 1 | - | - | 2 | 2 | 1 | 1 |
| Unión de Centro Democrático | 7 | - | - | - | - | - | - | - | - |
| Independientes | 2 | - | - | - | - | - | 0 | - | - |
| Total | 9 | 9 | 9 | 9 | 9 | 9 | 9 | 9 | 9 |
Alcaldes
| Lechislatura | Nombre | Partiu politico |
|---|---|---|
| 1979–1983 | Tomás Candala Pina | UCD |
| 1983–1987 | ||
| 1987–1991 | José María Yubero Burillo | Partido de los Socialistas de Aragón |
| 1991–1995 | José María Yubero Burillo | Partido de los Socialistas de Aragón |
| 1995–1999 | José María Yubero Burillo | Partido de los Socialistas de Aragón |
| 1999–2003 | ||
| 2003–2007 | José Manuel Ramón Falcón | PAR |
| 2007–2011 | María Carmen Aguerri Puel | Partido de los Socialistas de Aragón |
| 2011–2015 | María Carmen Aguerri Puel | Partido de los Socialistas de Aragón |
| 2015-2019 | Juan Abad Bascuas | Partido de los Socialistas de Aragón |
| 2019-2023 | Juan Abad Bascuas | Partido de los Socialistas de Aragón |
Molimentos
- Ilesia de Nuestra Sinyora de l'Asumpción d'Escatrón, una ilesia de meyatos d'o sieglo XVIII en estilo barroco[4] devantada en ladriello y piedra picata, que tién una torre con planta cuadrata.[1] Mientres as Guerras Carlistas fue cremata y espullata.[2] Se i conserva un retablo de l'Asumpción d'a Virchen procedent d'o monesterio de Rueda, d'a on i plegó mientres o primer tercio d'o sieglo XIX.[5]
- El Mocatero, ye un fortín construyiu en 1875, que feba parte d'una rete a lo largo d'a marguin dreita d'o río Ebro, mientres la Tercera Guerra Carlista.
Personalidaz naixitas d'Escatrón
Vinclos externos
Se veigan as imáchens de Commons sobre Escatrón.- Pachina web oficial municipal d'Escatrón.
Referencias
- ↑ 1,0 1,1 1,2 1,3 1,4 (es) Escatrón en a Gran Enciclopedia Aragonesa.
- ↑ 2,0 2,1 2,2 (es) Historia en a pachina web oficial de l'Achuntamiento d'Escatrón.
- ↑ (es) Marcelino Cortés Valenciano Toponimia aragonesa antroponímica con la terminación -ón (I), Alazet, n° 30, 2018, ISSN 0214-7602, p.91
- ↑ (es) Iglesia de Nuestra Señora de la Asunción en Escatrón.
- ↑ (es) Patrimonio Cultural de Aragón. Iglesia parroquial de la Asunción de Nuestra Señora (Escatrón, ZARAGOZA).
| Municipios d'a comarca Ribera Baixa d'Ebro | |
|---|---|
| Alborche | Alforc | Exelsa | Cinco Olivas | Escatrón | Pina d'Ebro | Quinto | Sastago | Viliella d'Ebro | La Zaida |