La Radigüela

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Radigüela
Situación
Situación	Escatrón (Zaragoza)
Latitut
Lonchitut
Vértiz cheodesico
Cheografía
Cordelera	Depresión d'Ebro
Sierra	denguna
Macizo
Altaria	288 m
Alpinismo
Primera puyada
Ruta mas fácil	dende Escatrón
Mapa

La Radigüela ye una plataforma estructural de 288 metros d'altaria situada en lo termin municipal d'Escatrón (provincia de Zaragoza), a lo sud d'una vuelta d'Ebro y a l'ueste de lo zaguer tramo de lo río Martín. En lo suyo cabalto bi ha un vértiz cheodesico.

Los materials de lo cabalto son calsineras d'edat chattiana-acheniana (Oligoceno superior y final), que descansan sobre secuencias sedimentarias de lutitas, salagons y piedras panals con cheso.^[1]

Toponimia

L'oronimo Radigüela ye un derivau de l'aragonés radiz con sufixo -uela u de lo latín RADICEM a traviés de RADICULA con cambio de sufixo. Bi ha un microtoponimo homonimo en Forcallo (Campo de Daroca).

En aragonés y en la toponimia aragonesa atras derivacions de RADICEM u radiz son Radiquero, Radiguero y radicón/radigón.

Referencias

↑ (es) Instituto Geológico y Minero de España: Mapa Geológico de España E 1:50.000. Híjar. Servicio de publicaciones del Ministerio de Industria y Energía, 1985. pp 26-27.