Casterló

	Casterló; Castelnou
	Municipio d'Aragón
Entidat; • País; • Provincia; • Comarca	Municipio; Aragón; Teruel; Baixo Martín
Partiu chudicial	Alcanyiz
Superficie	37 km²
Población; • Total	; 108 hab. (2013)
Altaria; • Meyana	; 201 m.
Distancia; • 170 km	; enta Teruel
Alcalde	José Miguel Esteruelas Lizano
Codigo postal	44592
Parroquial; • Archidiocesi; • Arcipestrau; • Parroquia	; Zaragoza; Íxar; Immaculada Concepción
Ríos	río Martín
Coordenadas	41°13’59’’N 0°22’ 0’’U
	Casterló Casterló en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Casterló u Castenló (Castelnou en castellano) ye un municipio d'a provincia de Teruel, situato en a comarca d'o Baixo Martín.^[1] A suya población ye de 120 habitants (2010), en una superficie de 37 km² y una densidat de 2,94 hab/km².

Cheografía

Ye situato entre Sant Per de Calanda y Escatrón, en a ripa d'una clamor con muita pendient, a mán d'o río Martín, chusto en a muga provincial de Teruel con Zaragoza. Entre os cautibos destacan as presqueras en os reganos y as oliveras. Auguas entabaxo d'o Martín bi ha dos pueyos a os dos costatos d'o río conoixitos como Cabecico Bajero y Peñafresca con chacimientos arqueolochicos d'a I Edat de Fierro y a epoca Iberica.

Mugas

	Escatrón	Escatrón
Exatiel		Escatrón
	Sant Per de Calanda

Historia

En la Baixa Edat Meya yera un lugar poblato exclusivament por cristianos.^[2]

Toponimia

O toponimo Casterló pareix occitán u catalán, y de feito Agustín Ubieto Arteta documenta a forma Castellnou en a Edat Meya. Ubieto Arteta documenta un atro Castelnou en a Edat Meya aragonesa en a plana de Uesca. Este zaguer, como atros que pueden tener as radices castel, nou u nova, pueden estar neofundacions gasconas u occitanas, igual que as Villanovas d'o Pireneu.

Seguntes Agustín Ubieto Arteta atras variants d'o nombre que corresponen con este Castellnou son: Castellnovo, Castell Nouo, Castronovo y Castronouo. Una variant no mencionada por Ubieto ye Castella-Novo. A primera mención ye de 1140.

A chent d'a comarca diz de forma tradicional Castenló u mes a sobén Casterló, con metatesi de l y n/r y simplificación d'o diftongo -ou- enta -u-, igual que en aragonés occidental dicen pro en cuenta de prou, por atra part en Urreya de Gayén a palabra "preu" ye fosilizada como pré d'una traza pareixida.

Demografía

Evolución demografica

1992	1994	1996	1997	1998	1999	2000	2001	2002
-	-	106	-	104	101	98	106	107

2003	2004	2005	2006	2007	2008	2009	2010	2011
107	109	120	122	123	112	109	120	120

2012	2013	2014	2015	2016	2017	2018	2019	2020
177	152	140	142	137	146	160	141	134

2021	2022	2023	2024	2025	2026	2027	2028	-
120	113	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									5
Total									5

Alcaldes

Lista d'alcaldes
Lechislatura	Nombre	Partiu politico
1979–1983	Miguel Anadón Yebra^[3]	UCD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	José Miguel Esteruelas Lizano	Partido Aragonés
2015–2019
2019–2023
2023–2027	Tomas Herrera Mariscal ^[4]	PAR

Molimentos

Molimentos relichiosos

Ilesia Barroca dita Inmaculada Concepción. A campana d'a Ilesia ye especial y se diz La Valera.

Toponimia menor

Ye interesant o toponimo Balsas de Filluela y atro entre Xatiel y Casterló dito L'Alchizira.

Fiestas

29 de chinero, Sant Valero, con foguera, procesión y cena popular, recibe a denominación de La Catria, deformación d'o latín Catedra u d'una forma aragonesa preliteraria La Catira, comparable a lo belsetán Catiera.
9 d'agosto, Fiestas Mayors.

Referencias

↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.128
↑ Eliseo Serrano Martín La Comarca del Bajo Martín en la Edad Moderna. Comarca del Bajo Martín, colección territorio, 32 [1]
↑ (es) Treinta aniversario de las primeras elecciones municipales de la democracia.
↑ (es) Consulta el listado de alcaldes que han sido proclamados en Aragón en Heraldo de Aragón.

Veyer tamién

Lista de municipios de Teruel

Municipios d'a comarca Baixo Martín
Albalat de l'Arcebispe \| Binaceit \| Casterló \| Exatiel \| Íxar \| La Puebla d'Íxar \| Sant Per de Calanda \| Urreya de Gayén \| Zaila

Lugars d'o municipio de Casterló
Poblaus: Casterló Despoblaus: Valimanya

Datos: Q1641444
Multimedia: Castelnou (Teruel) / Q1641444

[1] (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.128

[2] Eliseo Serrano Martín La Comarca del Bajo Martín en la Edad Moderna. Comarca del Bajo Martín, colección territorio, 32 [1]

[3] (es) Treinta aniversario de las primeras elecciones municipales de la democracia.

[4] (es) Consulta el listado de alcaldes que han sido proclamados en Aragón en Heraldo de Aragón.

[1]

[2]

[3]

[4]