Parque Faunistico de Lacuniacha

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Parque Faunistico de Lacuniacha
Situación
País	Aragón
Ciudat	Piedrafita de Tena (Biescas)
Información cheneral
Debantadera
Zarrau
Superficie
Animals
Especies	15
Pachina web	http://www.lacuniacha.com/

O Parque Faunistico de Lacuniacha ye un parque faunistico que se troba en o termin municipal de Piedrafita de Tena (Biescas) en l'Alto Galligo, en as garras d'a Sierra d'a Partacua y de Penya Telera. Tien una superficie de 30 hectarias y ye situato a 2 km d'o nuclio de Piedrafita.

Os animals que se pueden trobar en o parque en semilibertat son: sarrios (Rupicapra rupicapra), bucardos (Capra pyrenaica hispanica), bisonts europeus (Bison bonasus), caballos de Przewalski (Equus caballus przewalskii), lupos cervals (Lynx lynx), lupos (Canis lupus), ciervos comuns (Cervus elaphus), ciervos palez (Dama dama), renos (Rangifer tarandus) y cuerzos (Capreolus capreolus).

As especies vechetals que bi ha en o parque incluyen felces (Pterophyta, "jéus" localment en tensino), buixos (Buxus spp.), pins royos (Pinus sylvestris), buixarderos u cerolleras bordes (Sorbus aucuparia), salces blancos (Salix caprea), abetullos (Betula spp.), urmo (Ulmus glabra), sabucos (Sambucus nigra), ceresera montesina (Prunus padus), trembolera (Populus tremuloides), manzanera montesina (Malus sylvestris), fraxins (Fraxinus spp.), artos (Crataegus monogyma), cereseras (Prunus avium plena), chinepros (Juniperus communis), abetz (Abies alba), cardoneras (Ilex aquifolium), gabarderas (Rosa canina), caixicos (Quercus spp.), fabos (Fagus sylvatica) y buixetas (Daphne laureola).

Fué inaugurato en l'anyo 2001 y lo recorrito total d'os suyos camins ye de cinco kilometros con un desnivel de 180 metros, en os que bi ha cuantas mesas d'interpretación d'os picos y cordeleras d'a redolada y un punto d'observación ornitolochica.

Toponimia

O toponimo Lacuniacha ye asaber-lo s'intresant. Endica que enantes i heba una lacuna y que desapareixió por colmatación natural. A terminación -iacha ye como se prenunciaba o sufixo -iella en aragonés arcaico d'a Val de Tena y arredol fa uns sieglos.

Aparixe en un documento notarial de Sallent de Galligo en l'anyo 1426:

[...] otro campo ena Lacunjeza

(protoc. 7.803, fol. 7r)}

Vinclos externos

• (es)(en)(fr) Pachina oficial