Sorbus aucuparia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sorbus aucuparia
Sorbus aucuparia
Denominacions populars
buixortero / buixardero, bixartero, bixardero, bixordero, boixadero, buixartero, buixonero, cerollera borde / azarollera borde, cerollera montesina, potrimallero, abesurt / besurt
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Rosales
Familia:	Rosaceae
Subfamilia:	Maloideae
Chenero:	Sorbus
Especie:	S. aucuparia
Descripción
Sorbus aucuparia L., 1758

O buixortero u buixardero (nombre cientifico Sorbus aucuparia (L., 1758)) ye una especie d'árbol de fuella caduca en o chenero Sorbus, d'a familia Rosaceae. Tamién se conoix como cerollera borde, cerollera montesina, potrimallero u abesurt

Ye una especie de mida meyana (no gosa pasar t'alto d'os 15 metros), que se troba en puestos humidos de tot Europa, dende las landas d'Islandia y Escandinavia dica la Mediterrania, arribando enta Siberia per l'este.

As fuellas son composatas, imparipinnatas (numer impar de foliolos) con d'entre 9 y 15 foliolos que tienen as laderas aserratas y fan dica 9 cm de lonchitut. Fa la florata en primavera, y os fruitos (ditos «cerollas» como muitos altros de pareixitos) fan d'entre 4 y 8 mm de diametro. Brostan en carrazos de muitos lulos chuntos, que mientres se guadan alto en l'árbol s'envistan de luent per a color tan roya que gosan tener. A crosta ye mes clara de color que no en altras especies d'o suyo chenero, y se pareix relativament en a d'as cereseras domesticas.

Fitonimia

En muitos lugars de Ribagorza se i documenta tamién o nombre «bixortera/o», en Sobrarbe oriental (val d'a Cinca y afluents) se i conoix como «pixortera», y «bixordera/o» en l'alta val de l'Ara (se veiga la curiosa equivalencia d'entre estas dos, la una estando la versión conservadera con as consonants oclusivas xordas intervocalicas que l'altra sonoriza). Ixa zaguera, a demés, pareix que troba la suya equivalenza en as parlas de mes ta ponient en as formas «buxardera/o» y relativas que se sienten per l'Alto Aragón occidental, que poderían estar un tremescluz d'a primera con o termino «buxo», que define una altra especie vechetal de tot diferent. En ansotano se documenta aliquera.

Existe tamién, como con toz os eixemplars de serberas, una denominación popular como «cerollera borde», que ye cheneral en tot lo territorio.

Imáchens

• 
  Lulos.
• 
  Flors.
• 
  Fuella y carrazo de lulos.
• 
  Crosta.

Referencias

• Datos: Q146198
• Multimedia: Sorbus aucuparia / Q146198
• Especies: Sorbus aucuparia