Rangifer tarandus

Rangifer tarandus
Un eixemplar en Kebnekaise (Suecia).
Denominacions populars
reno
Estau de conservación
Vulnerable (IUCN)
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Artiodactyla
Familia:	Cervidae
Chenero:	Rangifer
Especie:	R. tarandus
Descripción
Rangifer tarandus Linné, 1758
Distribución cheografica
Distribución d'o reno

O reno (nombre cientifico Rangifer tarandus (L., 1758)) ye una especie d'a familia Cervidae present en o norte d'Eurasia y Nortamerica que habita en a tundra y en a taiga. A diferencia d'atras especies d'a familia as fembras tamién presentan cuernos. En a zaguera glaciación (Würm) se distribuiba tan en sud como os monts Pireneus y norte d'a Peninsula Iberica y constituiba una d'as prencipals fuents d'alimentación d'os cazataires d'o Paleolitico superior. Encara en o sieglo XX muitos pueblos cazataires de Siberia u Nortamerica dependeban d'o reno. Manimenos a domesticación d'esta especie ya s'heba produciu fa bel sieglo y bi ha pueblos como os lapons y determinaus pueblos de Siberia y Mongolia que practican a transhumancia con esta especie.

S'alimenta prencipalment de liquens, pero tamién mincha graminias y ciperacias, no fendo desprecio d'alimentos d'orichen animal como pollez que troba en niedos u dica lemmings.

Por o suyo comportamiento gregario y no territorial ye o solo miembro d'a familia Cervidae que s'ha puesto domesticar de tot.

Subspecies

En o pasau consideraban as formas americanas u caribús (Rangifer tarandus caribou) como una especie diferent, actualment a tendencia ye a considerar que bi ha dos grupos de subspecies, o grupo de subspecies d'a tundra y o grupo de subspecies d'a taiga, independientment de en qué continent habitan. Si actualment esta especie ye tipica d'os dos biomas debantditos, en o Pleistoceno yera una especie adaptable que podeba habitar tamién en parameras con tascas secas entre selvetas y matigals.

Subspecies d'a tundra

• Rangifer tarandus eogroenlandicus.
• Rangifer tarandus pearyi.
• Rangifer tarandus platyrhynchus.
• Rangifer tarandus tarandus.
• Rangifer tarandus granti.
• Rangifer tarandus groenlandicus.

Subspecies d'a taiga

• Rangifer tarandus fennicus.
• Rangifer tarandus caribou.
• Rangifer tarandus dawsoni.

Bibliografía

• (es) Oscar Arribas: Fauna y paisaje en los Pirineos en la Era Glaciar. Lynx Edicions.

Vinclos externos

• Se veigan as imáchens de Commons sobre Rangifer tarandus.
• Wikispecies tiene un articlo sobre Rangifer tarandus.

• Datos: Q39624
• Multimedia: Rangifer tarandus / Q39624
• Especies: Rangifer tarandus