Rosa canina

*Rosa canina*
Gabardera (Rosa canina)
Denominacions populars
gabardera / galabardera, galbardera, magardera, albardera, arto de gabardera / arto de galabardera, gabardiella, gabardero / galabarder, garrabonero, garrabera, garrabonera, gabarrera, carronera / garronera, arto de garrabera, arto de gabarrera, escarbaculera, foricaculera, rosa pericán, rosera borde, rosera de burro / rosera de burra
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Subclase:	Rosidae
Superorden:	Rosanae
Orden:	Rosales
Familia:	Rosaceae
Subfamilia:	Rosoideae
Tribu:	Roseae
Chenero:	Rosa
Especie:	R. canina
Descripción
Rosa canina Linnaeus, 1758

A gabardera^[1]^{[nota 1]} u garrabera^[1]^{[nota 2]} (nombre cientifico Rosa canina (L., 1758)) ye un arbusto silvestre natural d'Europa, norte d'Africa y la parte mediterrania d'Asia occidental. Perteneix en a familia Rosaceae y ye una d'as especies de roseras mes comuns en as nuestras latituz. Se ye considerato que podés estar l'antipasau d'as roseras ornamentals domesticas, anque no b'ha guaire certeza cientifica sobre ixo.

Os suyos lulos prenen o nombre propio de gabardas^[1]^{[nota 3]} u garrabons^[1]^{[nota 4]}, y anque son muit nutritivos y abundants en hibierno, cal parar cuenta perque lo suyo contenito frimbroso y las numerosas simients de l'interior los fa d'estar restrinchents, y per ixo no ne se pueden consumir pas guaires. D'ixa carateristica suya ne demana lo suyo nombre mes popular u informal en Aragón que gosa estar «tapaculs/os» u «petaculs/os».

Formacions vechetals

Bi ha formacions vechetals con abundancia u predominio de gabarderas conoixidas como gabarderals, galabardals u gabardosas, nombres que pueden convertir-se en toponimos:

Gabardosa: entre Longars, Tosos y Villanueva de la Uerba.
Gabarderal: en Sangüesa.
Muela d'el Galabardal: en Aliaga.
Gabarda: en Huerto.
Gabarret: en Bonansa (con sufixo -et).
Refuchio de Gabardito: en la Val d'Echo (con sufixo -eto sozmeso a metafonía).
Gabardialla (entre Loporzano y Nueno).
A Gabardiella.
Palomar de Gabardiella.
Gabardón.

Nombres

O nombre mas común pa ista planta ye gabardera^[2], rechistrau en a provincia de Teruel y as comarcas de Sarrablo y Sobrepuerto y en as localidaz d'Ansó, Aragüés de lo Puerto, Biel, Borrés, Botaya, Broto, Biescas, Echo, Estadilla, Fanlo, Gavín, Lanuza, Luesia, Morillo de Galligo, Pandicosa, Radiquero, Rodellar, Salas Altas, Salvatierra d'Esca, Sietemo, Sigüés, Sobremont, Tella, Torla, Uncastiello y val de Vio. Tamién se troban atras variants como galabardera^[2] en Sobrarbe, a Fueva y a provincia de Teruel y en as localidaz d'Alfantega, las Cuevas de Canyart, as Corz, Guaso, Nogueruelas, Pueyo de Santa Cruz, Salas Altas y Sos d'o Rei Catolico, galbardera^[2] en Echo y Sos d'o Rei Catolico, magardera^[2] en Ansó y albardera^[2] en a Fueva, as Corz y Salas Altas.

Unatra denominación común ye garrabera^[2], rechistrada en Alins, Cofita, Estada y Estadilla, con variants como garrabonera^[2] en Sant Istevan de Litera, gabarrera^[2] en Monzón y carronera^[2] en a val de Chistau, Bielsa y Plan.

Tamién existen as formas escarbaculera^[1]^[2] en Torrociella d'Alcanyiz y foricaculera^[1]^[2] en Ansó. A suya flor se conoixe como rosa pericán^[1]^[2] en Benás. Atros nombres pa ista planta son rosera borde^[1] y rosera de burro^[1]^{[nota 5]}

Imáchens

Flor
Fuella
Fruitos, as gabardas u garrabons.
Una gabardera plena de gabardas. Esto se vei muito en hibierno en os monts d'Aragón

Notas

↑ Con as variants galabardera, galbardera, magardera, albardera y gabardiella u en masculín gabardero y galabarder. Tamién arto de gabardera u arto de galabardera.
↑ Con as variants garrabonera, gabarrera, carronera, garronera y garrabonero. Tamién arto de garrabera u arto de gabarrera.
↑ Con as variants galabarda, galbarda, agabarda, magarda y gabarra.
↑ Con as variants gabardón y galabardón.
↑ Con as variant rosera de burra.

Referencias

1 2 3 4 5 6 7 8 9 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
1 2 3 4 5 6 7 8 9 10 11 12 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.

Se veiga tamién

Rosera.
Chenero Rosa.

Vinclos externos

Wikispecies tiene un articlo sobre Rosa canina.
Se veigan as imáchens de Commons sobre gabarderas.

Datos: Q146066
Multimedia: Rosa canina / Q146066
Especies: Rosa canina

[2] Con as variants galabardera, galbardera, magardera, albardera y gabardiella u en masculín gabardero y galabarder. Tamién arto de gabardera u arto de galabardera.

[3] Con as variants garrabonera, gabarrera, carronera, garronera y garrabonero. Tamién arto de garrabera u arto de gabarrera.

[4] Con as variants galabarda, galbarda, agabarda, magarda y gabarra.

[5] Con as variants gabardón y galabardón.

[7] Con as variant rosera de burra.

[DACC-1] 1 2 3 4 5 6 7 8 9 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[Vidaller-6] 1 2 3 4 5 6 7 8 9 10 11 12 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.

[1]

[nota 1]

[nota 2]

[nota 3]

[nota 4]

[2]

[nota 5]