Ilex aquifolium
| Cardonera | ||||||||||||||||||||
 Cardonera | ||||||||||||||||||||
| ||||||||||||||||||||
| Ilex aquifolium L. | ||||||||||||||||||||
A cardonera ye un árbol chicot de 6 u 7 metros d'altaria con tronco dreito, porte piramidal, que tiene brancas dende a base y que puet plegar a vivir 500 anyos, encara que no gosa plegar ta os 100.
Descripción[editar | editar código]
Tien a crosta lisa. En primerías ye d'una color verdenca, y dimpués d'o segundo u tercer anyo ba prenendo o suyo tono griso definitivo. As suyas fuellas son persistents, simplas, pecioladas, alternas, de forma ovalada, y como qualidat más caracteristica, con un canto muit espinoso en os exemplars chóvens, y en os camals más baixos d'os adultos, no tenendo punchas as fuellas d'os camals más altos. As fuellas duran bellas cinco anyadas y son de color verde muit bilant en l'anverso y verde amarillenca mate por o reverso, lampinyas de tot y muit tiercas y coriacias.
Ye planta dioica y en os exemplars masculins, as flors amaneixen en grupos axilars de color amarillenca. En os femenins, son isoladas u en grupos de tres y son chicotas y de color blanca u levement rosada, y tienen quatro petalos y quatro sepalos parcialment fusionaus en a base.
As cardoneras femeninas fan un fruito carnoso (drupa), d'una color roya brilant u amariella viva, que madura muit tarde, enta par d'octubre u noviembre, y que remaneix muito tiempo en l'árbol, a ormino entre tot o hibierno. Contiene en dentro 4 u 5 uesetz (simient), que no cherminan dica o segundo anyo, en caso de que los minche bell muixón. Brota bien de cepa y tasament de radiz.
Vinclos externos[editar | editar código]
Se veigan as imáchens de Commons sobre Ilex aquifolium.
Biquiespecies tiene un articlo sobre Ilex aquifolium.
