Chenoba
De Biquipedia
 |
|
|
Chenova |
|||
|---|---|---|---|
|
|||
 Puerto de Chenoba, con barcos á bela |
|||
| Nombre ofizial | Genova | ||
| Estato |  Italia |
||
| Rechión | Liguria | ||
| Probinzia | Chenoba | ||
| Codigo postal | 16100 | ||
| Superfizie | 243 km² | ||
| Altaria | 20 m. | ||
| Distanzia | km á [[]] | ||
| Poblazión | 615.686 ab. (2007) | ||
| Densidá | 2.571 ab./km² | ||
| Chentilizio | |||
| Ríos | |||
| Pachina web | www.Genova.Comune.it | ||
 |
|||
Chenoba (Genova en italián, Zena en ligur) ye una comuna italiana en a rechión de Liguria, que ye a capital d'a suya rechión y tamién d'a probinzia de Chenoba. Ye á cantos d'o mar Mediterranio, en o golfo de Chenoba.
Tién una superfizie de 243 km², una poblazión de 615.686 abitants (en 2007) y una densidat de poblazión de 2.571 abs/km². Ye o puerto más important d'Italia y ye o segundo puerto d'o mar Mediterranio dimpués del de Marsella, en Franzia.
A ziudat crezió en o sieglo XX, encorporando muitos monezipios amanatos, y güé tién 71 unidats urbanas, dimpués de l'anexión de 25 monezipios.
O suyo termín monezipal muga con os de Arenzano, Bargagli, Bogliasco, Bosio, Campomorone, Ceranesi, Davagna, Masone, Mele, Mignanego, Montoggio, Sant'Olcese, Sassello, Serra Riccò, Sori y Tiglieto.
[editar] Istoria
Chenoba tién una dilatada istoria. Estió una ziudat d'os ligurs, e os cartachineses la destruyoron en 209 aC. Fue reconstruyita dimpués d'a suya encorporazión á l'Antiga Roma.
En 935 una flota musulmana la conquirió e la espulló.
En a Edat Meya, Chenoba estió una Republica independent, construyita sobre o comerzio maritimo. Dominó as islas de Zerdeña y Corzega, aliata primero con a Republica de Pisa y dimpués en solitario, tras bellas luitas con os pisans. En 1453, a conquiesta de Constantinnoble por l'Imperio Otomán estió un duro golpe ta Chenoba.
Dica istas fechas, Chenoba estió aliata con España, á qui prestó aduya melitar, en espezial maritima. Estió tamién un important eslabón en o Camín español, ta portar tropas d' España ta Flandres por o mar Mediterranio.
En 1815 estió dezidita en o Congreso de Viena que s'adibise á o Reino d'o Piamonte, feito que sennificó dimpués que s'adibise a Italia.
Estió una important base melitar d'a Regia Marina italiana en o sieglo XX, espezialment en a Segunda Guerra Mundial.
