Buenos Aires

De Biquipedia

Ir ta: nabego, busca

Buenos Aires
Bandera de Buenos Aires Escudo d'armas de Buenos Aires
Casa Rosada in Buenos Aires.jpg
A Casa Rosada en Buenos Aires.
Nombre ofizial Buenos Aires
Estato Flag of Argentina.svg Archentina
{{{tprechión}}} {{{rechión}}}
Probinzia Probinzia de Buenos Aires
monezipio Ziudat Autonoma de Buenos Aires
Codigo postal {{{cp}}}
Superfizie 203 km²
Altaria 20 m.
Distanzia {{{distanzia}}} km á [[{{{ta}}}]]
Poblazión 3.042.581 ab. (2008)
Densidá {{{densidá}}} ab./km²
Chentilizio {{{chentilizio}}}
Ríos Río de la Plata
Pachina web www.BuenosAires.gov.ar
Mapa de Buenos Aires

Buenos Aires (Ciudad de Buenos Aires u Ciudad Autónoma de Buenos Aires oficialment) ye a ziudat capital de l'Archentina, á más d'estar a capital d'a probinzia omonima. Con os suyos 3.042.581 abitants en l'año 2008, teneba una superfizie de 203 km² y una densidat de poblazión de 14.988,08 ab/km². Ye a ziudat más poblata d'Archentina y, con a suya aria metropolitana, a segunda ziudat d'America d'o Sur.

Buenos Aires ye en una plana en a marguin dreita d'o Río de la Plata, con una longaria de 19,4 km de norte ta sur y una amplaria de 17,9 km d'este ta ueste. Á l'esue d'a ziudat bi ha una gran plana, clamata plana d'a Pampa, rechión de gran riqueza agricola.

A prenzipal actibidat economica local ye o sector d'os serbicios u sector terziario; a industria ye o segundo.

Ye á más á más un zentro important d'autibidat cultural, con abundanzia de museus, bibliotecas u teatros; ye tamién a seu d'as prenzipals unibersidats de l'Archentina.

Contenius

[editar] Istoria

[editar] Fundazión d'a ziudat

Fue fundata o 3 de febrero de 1536 con o nombre de Nuestra Señora del Buen Ayre u Nuestra Señora del Buen Aire por l'español Pedro de Mendoza y estió albandonata en 1541, dimpués d'estar enrunata por os indios. Fue atra bez fundata l'11 de chunio de 1580 por Juan de Garay con chens prozedents d'o Paraguai y con o nombre de Ciudad de La Santísima Trinidad y Puerto de Santa María del Buen Ayre, depenendo d'o Birreinato d'o Perú, con capital en Lima.

[editar] Primeras añadas d'o Buenos Aires colonial

O desarrollo d'a ziudat estió escaso, por estar apartada d'as prenzipals rutas comerzials españolas, que dende Perú iban ta Panamá y ta Europa, albandonando o sur de l'Ozián Atlantico. Ista situazión cambió en 1776, porque esdebenió a capital d'un nuebo birreinato, o Birreinato d'o Río d'a Plata, con a intenzión d'ebitar a espansión portuguesa ta o sur dende Brasil y ta formar un territorio omochenio, que no depeniese d'o contrabando conos portugueses de Brasil ta rezibir as mercaderías.

Asinas, a ziudat dentró en as rutas comerzials, y tamién en as rutas d'o contrabando britanico. Penetroron asinas tamién en o país as ideyas politicas liberals que en ixas calendatas se desarrollaban en Europa y as ideyas d'independenzia, impulsatas dimpués con a imbasión d'España en 1808 por Napoleón I y con a Guerra d'Independenzia española.

[editar] As Guerras napolionicas

Mientras as Guerras napolionicas en Europa, o Gubierno español estió en prinzipio un aliato de Napolión Bonaparte, en guerra con o Reino Unito. Ye por izo que o 27 de chunio de 1806 un Exerzito britanico mandato por William Carr Beresford s'apoderó d'a ziudat sin bi trobar cuasi resistenzia, porque no bi eba denguna unidat melitar organizata. Sin d'embargo, o 12 d'agosto un exerzito español organizato en Montevideo (güé Uruguai) mandato por o franzés Jacques de Liniers redotó á os britanicos. En 1807, una espedizión britanica mandata por John Whitelocke prenió a ziudat de Montevideo, y o 5 de chulio tentó d'atacar Buenos Aires, encara que fue redotata por as Milizias d'a ziudat, organizatas y mandatas por Liniers.

Como o Gubierno español no podeba embiar-ie tropas, os criollos prenioron conzienzia d'a suya situazión de poder, demandando fer parte tamién d'o poder politico en a colonia, como ya en feban d'o poder melitar. Ista situazión, á más d'o creximiento d'as ideyas liberals, estió o chermen d'a clamata Reboluzión de Mayo (18-25 de mayo de 1810), primer gubierno independient en a istoria d'Archentina.

[editar] A independenzia

Con a independenzia d'Archentina, a ziudat de Buenos Aire, que ya teneba 40.000 abitans, esdebenió un importnt zentro importado de produtor d'orichen britanico, en sustituyindo as importazions prozedents d'España. Buenos Aires yera o zentro politico echemonico d'a redolada, pero tamién as oligarquías d'atras ziudaz amanatas teneban os suyos propios procheutos politicos.

Asinas, fezioron aparizión as tensions con os territorios de l'antigo Birreinato d'o Río d'a Plata, y Archentina dentró en un periodo d'inestabilidat politica.

[editar] Climatolochía

Climograma de Buenos Aires.

O clima de Buenos Aires ye templato umedo, con una temperatura meya añal de 17,6°C y una plebida añal de 1.147 mm.

O tiempo d'as plebias ye en berano, encara que os días sin sol son más frecuents en ibierno. As plebias de berano son intensas, en forma de tronadas, con grans cantidaz d'augua caita en poco tiempo. En ibierno, as plebias son más débils, encara que ternes.

Os beranos son calorosos, con temperaturas meyas en chinero de 24,5°C; os ibiernos son suabes, con temperatura meya en chunio de 11°C.

[editar] Demografía

Eboluzión demografica d'a ziudat de Buenos Aires.

A poblazión de Buenos Aires abió una important espansión durant o sieglo XIX y as primeras decadas d'o sieglo XX, con a inmigrazión prozedent d'Europa.

[editar] Localidaz achirmanatas

[editar] Enrastres esternos

Commons-logo.svg
 Se beigan as imachens de Commons sobre Buenos Aires.

[editar] Referenzias

  1. ↑ (es) Relación de ciudades hermanadas con Latinoamérica.
  2. ↑ (es) Documento de declaración de hermanamiento entre las capitales latinoamericanas.
  3. ↑ (es) Testo d'o Combenio d'achirmanament.

Otenito de "http://an.wikipedia.org/wiki/Buenos_Aires"
En atras luengas