Calsinera
De Biquipedia
A calsinera ye una roca sedimentaria definita por la presenzia mayoritaria de lo mineral calzita. Bi ha calsineras orichinatas por la prezipitazión quimica e calsinas biochenicas.
En Aragón, forman lo prinzipal de lo paisache en la mayor parte de lo Sistema Iberico oriental, (en as probinzias de Balenzia, Castellón, Cuenca, Tergüel) de las sierras preperinencas e de las muelas de la Depresión de l'Ebro.
Las piedras calsineras tienen muitos emplegos, e lo més tradizional ye sacar calsina calentando-la en fornos clamatos calsinars.
La mayor parte de las piedras calsineras s'han orichinato en plataformas continentals en relazión a l'autibidat de ser bibos, ye lo caso de las que bi ha en lo Sistema Iberico (antiga plataforma continental de lo Mar de Tethys), e de lo Preperineu).
Sin d'embargo las piedras calsineras de la Depresión de l'Ebro gosan estar d'orichen lacustre.
[editar] Denominazions tradizionals
En aragonés meyebal esta roca se deziba calcina, como autualment encara li se diz a la barracha de calso e arena, e d'a mesma traza que en muitas luengas no bi ha parabras pa esferenziar o cheso cheolochico (un mineral u una roca no formata que por ixe mineral) d'o cheso como material de costruzión. Probablement a parabra calsina aiga perdito en aragonés autual o sennificato petrografico, e s'ha documentato a parabra calsinera en aragonés chistabín pa dizir a roca.
A perduga d'o sennificato petrografico d'a parabra calzina ha feito que en aragonés bi aiga un amplo bentallo de denominazions tradizionals que fan referenzia a aspeutos parzials que no son costants en a roca, como a color, e no tienen balura petrografica, como por exemplo:
- piedra de ruello (ansotán).
- piedra (de) ferranca (semontanés oriental).
- clarisca.
En os Monegros, las calsineras abundan en la parte alta de la Sierra d'Alcubierre e tienen un orichen lacustre. Los monegrins en dizen piedra de campanil por estar duras e produzir un sonito carauteristico con lo martiello e piedra de clarezca por estar blancas.
