Mallacán

De Biquipedia

Iste articlo ye sobre a formazión cheolochica. Ta atros emplegos se beiga Mallacán (desambigazión).

Lo mallacán u orizont petrocalcico ye un orizont B de lo suelo endurexito u zementato con carbonato calcico.

Ye zementato de contino dica lo estremo que las radizes no i pueden entrar e los piazos secos no se sueltan al capuzar-los en augua.

Ye masibo u laminar, á saber-lo de duro en seco e ni con una xata no se puet esgarrapar. Ye muito firme u masiau firme mullato. Los poros no capilars son plens; la condutibidat idraulica ye dende moderadament débil á muito débil. Por un regular ye mayor de 10 cm e presenta una capa superfizial con estrutura laminar. Los carbonatos costituyen la mitat u més en peso de l'orizont laminar.

Son comuns en los glazis e terrazas flubials de la Bal de l'Ebro. Lo suyo nome en idioma aragonés no tien una etimolochía segura pero puet estar relazionato con mallo (talment porque pa crebar-lo cal un mallo) e con mallar ("triballar duro", "pegar con un mallo"). O suyo nome en castellán, caliche, ye un mozarabismo.