Carbonato calcico

De Biquipedia
Ir ta: navego, busca
Polvo de carbonato calcico.

O carbonato calcico ye un compuesto quimico con formula CaCO3, que precipita en as auguas marinas u continentals quan se produce a perduga de dioxido de carbonio disuelto formando minerals como a calcita y l'aragonito que fan part d'as rocas calsineras. Tamién ye present en os sers vivos fendo part d'as clascas, dients y partz duras en cheneral. Ye a causa principal d'as auguas duras. O carbonato calcico ye a materia prima pa fer calso.

A formación de carbonato calcico por desgasificación u a suya disolución por a presencia d'o dioxido de carbonio ye por a existencia d'un equilibrio quimico en a reacción:

CaCO3 + CO2 + H2O → Ca(HCO3)2
Ca(HCO3)2 → CaCO3 + CO2 + H2O

Una presencia més gran de dioxido de carbonio favoreixe a reacción en o sentito d'a formación de bicarbonato calcico, y una presencia menos gran de dioxido de carbonio favoreixe a reacción en o sentito d'a suya producción y d'a producción de carbonato calcico.

A formación de calso CaO a partir d'o carbonato calcico s'explica por a propiedat de desprender-se dioxido de carbonio por d'encima d'una temperatura de 840º C:

CaCO3 → CaO + CO2