Cuesta (cheomorfolochía estructural)

De Biquipedia
Ir ta: navego, busca
Lo castiello de Chiribeta ye en lo cabalto d'una cuesta.
Esquema de succesión de cuestas.

Una cuesta ye una clase de forma de releu que consiste en un estrato resistent a la erosión, (u un conchunto d'estos estratos), con una inclinación de menos de 45º[1] que resalta en lo terreno con un cinglo. D'esta traza bi ha una elevacion luengas y asimetrica con dos versants, l'auna un cinglo quasi vertical y l'atra coincident con lo teito de lo estrato superior, con muita menor pendient y que representa una superficie estructural. Lo cinglo ye lo frent por on s'erosionan ixos estratos.

Las cuestas caracterizan un tipo d'"estilo tectonico", lo estilo churasico (dito asinas por haber estato descrito en lo Jura). Este estilo consiste en plegos amplos, por un regular simetricos u liucherament verchents, situaus unos a continación d'atros, y erosionaus y que en la superficie se manifiestan por una succesión de cuestas. En ciertos sectors de lo Sistema Iberico bi ha estilo churasico con cuestas, sobre tot en lo norte, amán de la Depresión de l'Ebro.

La parola cuesta ye un termin usual entre los cheomorfologos a ran internacional ye amprada de lo castellán, y esta parola presenta en castellán lo significau cheneral de "costera" en aragonés.

Referencias[editar | editar código]

  1. Ánchel Belmonte Ribas "Guía Geológica del Pirineo", Editorial Pirineo.