Calsinar
De Biquipedia
Calsinar u forno de calso ye una costruzión tradizional on se calienta á altas temperaturas la piedra calsinera pa fer calsina. Bi n'ha de diferents clases seguntes la tradizión e recursos de cada zona.
[editar] Calsinars en lo Sistema Iberico
En lo Sistema Iberico e Sur de la Depresión de l'Ebro, un clase de forno de calso tradizional ye un pozo zelindrico escarbato en lo suelo con tres u cuatro metros de profundidat por dos u tres metros de diametro e capazidat interior de tres a cuatro metros cubicos.
En la parte més baxa, lo zelindro reduze lo suyo diametro d'una traza que dentro de lo pozo se forme una faxa més alta arredol lo zentro que serbirá como base on meter la piedra que se cozerá. Esta faxa tien uns setanta zentimetros d'altaria, costituindo las paretes de la caldera de lo forno, on se cremará la leña que osidará la piedra.
Por un de los laterals s'escarba una rampa, en plano inclinato, que plega dende la superficie ta la base de lo pozo. On se troban la rampa con la base de lo pozo, se i fa un forato fendo una boca. Ye la zona que se conox como serbidor, on lo calzinero se posará pa ir metendo la leña que irá calentando lo forno. Esta costruzión la pueden enfortir con piedras.
[editar] Referenzias istoricas y etnograficas en Aragón
Antes más bi eba fornos de calso en cualsiquier lugar e bi n'ha referenzias, como por exemplo en un testo de Pandicosa de 1504, ya en castellán pero con aragonesismos:
 |
fue condición entre las dichas partes que el dicho maestre Pedro si al Senyor sera plaziente ha de fazer un forno de piedra calzina para la yglesia e obras que abran necesarias los jurados [...] et empues fecho el forno e quemado que la calcina que y de sera que sea para el dicho concello |  — '
|
Forno Calso ye un toponimo de Pano ya menzionato en un testo de 1607 de lo catastro de Graus:
|
del horno que dicen del Calço | — '
|
