Arén de Noguera

Este articlo tracta sobre Areny, municipio de la Ribagorza. Ta atros emplegos de lo toponimo Areny, veyer Areny (desambigación).

Arén de Noguera Areny de Noguera
Municipio d'Aragón
Entidat  • País  • Provincia  • Comarca	Municipio Aragón  Uesca Ribagorza
Superficie	119,3 km²
Población  • Total	320 hab. (2009)
Altaria	709 m.
Distancia  • 130 km	enta Uesca
Codigo postal	22583
Parroquial  • Diocesi  •Arciprestato	Bp. de Balbastro-Monzón Ribagorza
Ríos	Noguera Ribagorzana
Coordenatas	42°15’28’’N 0°43’19’’E
Arén de Noguera Situación de Arén de Noguera en Aragón
www.Areny.com

Arén de Noguera (en catalán Areny de Noguera, en castellán Arén) ye un municipio aragonés de la provincia de Uesca situato en la comarca de la Ribagorza, en la val de la Noguera Ribagorzana.

La suya población ye de 320 habitants (2009) en una superficie de 119,3 km², con una densidat de población de 2,68 hab/km².

Parla

Lo catalán d'Arén s'esferencia de las atras parlas d'a Ribagorza y A Litera (ribagorzano catalán) car encara mantién la G, J sonora d'o catalán, sin l'apichat tipico d'o ribagorzano.

Como en l'Alta Ribagorza central (aria de Las Pauls), la Val d'Isabana y las parlas de la cantonada noreste d'A Litera, la rematanza en -es de lo catalán que ye en los plurals femenins y verbos en segunda presona singular se prenuncia /-as/, por eixemplo:

• vingas en cuenta de vingues.
• las casas en cuenta de les cases.

Toponimia

En un texto de 1232 s'escribiba Aregn. Lo toponimo s'interpreta a partir de lo latín ARENEUM, que da Areny d'alcuerdo con la fonetica catalana y Arinyo d'alcuerdo con la fonetica aragonesa. Bi ha atro Areny en la comarca de lo Matarranya.

Agustín Ubieto Arteta cita lo solo toponimo documental meyeval Aregn en la suya obra Toponimia aragonesa medieval, encara que de feito en los textos escritos en la Ribagorza en latín meyeval bi ha abundants y conoixitas a lo Castro Arinio, ye dicir "Castiello d'Arinyo" en aragonés y Castell d'Areny en catalán.

Cheografía

La localidat d'Arén de Noguera ye situata a 709 metros d'altaria sobre lo ran de la mar, a una distancia de 130 km de la ciudat de Uesca, la capital de la suya provincia.

Demografía

Evolución demografica

1362 f 1495 f 1842 1857 1860 1877 1887 1897 1900 - - 1.055 1.596 1.519 1.152 1.206 1.182 1.148

1910 1920 1930 1940 1950 1960 1970 1981 1991 1.078 1.064 1.032 971 1.212 848 1.202 494 429

1992 1994 1996 1997 1998 1999 2000 2001 2002 - - 416 - 398 392 384 385 386

2003 2004 2005 2006 2007 2008 2009 2010 - 370 364 353 337 322 322 320 - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									6
Partido Popular									1
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Miguel Gracia Ferrer	Partido de los Socialistas de Aragón
2011–2015	Miguel Gracia Ferrer	Partido de los Socialistas de Aragón

Fiestas

• 21 de mayo y 10 d'aviento

Veyer tamién

• Lista de municipios de Uesca.

Vinclos externos

• Se veigan as imáchens de Commons sobre Arén de Noguera.
• Pachina web oficial municipal.