Río d'a Nata

De Biquipedia
Ir ta: navego, busca
A Nata
012.Río d'A Nata.jpg
O río d'a Nata en o congosto d'as Natas, á man de Cherbe.
Administración
Estatos {{{estatos}}}
Territorios Aragón
Cheografía
Longaria 27 km
Altaria d'o naixedero {{{altaria}}} m
Naixedero Espluga Escala, Sierra Ferrera
Desembocadura Río Cinca, en Mediano
Superficie d'a cuenca {{{cuenca}}} km²
Cabal meyano {{{cabal}}} m³/s
{{{mapa}}}

O río d'a Nata (a suya etimolochía ye incierta) ye un río d'a comarca d'o Sobrarbe, afluent d'o río Cinca por a man cucha, que naixe d'a baixant meridional d'a Sierra Ferrera a poca distancia d'a localidat de Sant Chuan, en a part norte d'a subcomarca natural que ye a Fueva, y circula en sentido sud-sudueste bells 20 km recullendo l'augua de bells atros barrancos y torrents que dimanan d'a mesma sierra, dica que desaugua en o entibo de Mediano a poquetz metros por debaixo d'o nuclio de Cherbe. O nombre popular conoix tamién una forma en plural, «as Natas», que s'emplega más que más ta referir-se a lo congosto por a on que iste río esnaviesa en o suyo zaguer tramo.

O vivero d'a Nata se puede trobar en l'endreto que se conoix como Espluga Escala, por una espluga habitable que se troba en a baixant sud d'a Sierra Ferrera, por debaixo d'o Collau d'o Ueso Santo. Iste espacio ye accesible a piet dende Sant Chuan y yera lo camín tradicional que s'emplegaba en as localidatz que fizon parte d'o municipio de Toledo d'a Nata (que saca lo nombre d'o río), d'entre Sant Veturián y a partida de a Foradada d'o Toscar, ta pasar cara t'a valle d'a Espunya, en a que teneban acuerdo ta tirar madera.

En l'actualidat, por mor de a existencia d'o entibo de Mediano, a desembocadura d'a Nata en a Cinca se troba muitos metros t'alto d'a on que enantes se trobaba. En os anyos que o nivel d'o entibo ye alto, a desembocadura ye chusto debaixo de Cherbe, a 8 u 10 metros d'altaria sobre o nivel d'a mar por debaixo d'a localidat que ye o nivel más altero que adube o entibo, mientres que d'antigos o río esnavesaba en pasando de largo y desembocaba en a Cinca a ribera de Mediano.

Se veiga tamién[editar | editar código]

Vinclos externos[editar | editar código]


 
Ríos d'a cuenca hidrografica d'a Cinca
Marguin izquierda Barrosa · Cinqueta · Irués · Nata · Usía · O Salinar · Esera
Marguin dreita Yaga · Bellós · Ara · Susía · Vero · Alcanadre