Salaria fluviatilis
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Salaria fluviatilis | |
|---|---|
 | |
| Denominacions populars | |
burret, bárbol flaire [1]
| |
| Estau de conservación | |
| Clasificación cientifica | |
| Animalia | |
Filo:
|
Chordata |
| Actinopterygii | |
| Perciformes | |
| Blenniidae | |
| Salaria | |
| S. fluviatilis | |
| Descripción | |
Salaria fluviatilis
Asso, 1801 | |
Salaria fluviatilis (Asso, 1801) ye una especie de peix d'augua dulza de la clase Actinopterygii, orden Perciformes y familia Blenniidae, la sola especie d'augua dulza d'esta familia. Presenta una distribución circummediterrania y fue descrito cientificament por primera vegada por lo naturalista aragonés Ignacio Jordán Claudio de Asso y del Río.
Zoonimia
[editar | modificar o codigo]No se conoix lo nombre que tenió en aragonés cuan se charraba en zonas de la depresión d'Ebro a on encara se troba u cuan se distribuiba como abundant por endreituras a on encara se charra aragonés. En catalán de Nonasp li dicen burret, denominación que en catalán s'aplica tamién a los blenidos d'augua salada.
Distribución cheografica
[editar | modificar o codigo]Presenta una distribución tipicament circummediterrania, trobando-se en ríos y zonas humidas de tierras que rodeyan la Mar Mediterrania: val d'Ebro, Catalunya, Occitania, Suiza, Italia, Croacia, Montenegro, Albania, Grecia, Turquía, Siria, Chordania, Liban, Israel, Alcheria y Marruecos. Tamién se troba en Portugal.
En Aragón se puet u podeba trobar en los ríos Ebro (incluitos los entibos de Mequinenza y Ribarroya), Matarranya, Guadalop, Cinca, y los suyos afluents Guatizalema, Alcanadre, Flumen, Susía, Isuala y Vero. Tamién se troba en la Canal Imperial d'Aragón y la cequia de Pina d'Ebro.[2]
Conservación
[editar | modificar o codigo]Encara que globalment no ye en periglo de desaparición, en la val d'Ebro ye cada vegada mes escaso, trobando-se en pocos puestos.
Las accions humanas que amenazan la suya existencia son la destrucción de l'habitat, la extracción de gravas, la extracción d'augua, la canalización de los ríos, las entibaderas y la contaminación de los ríos que produce eutrofización[3]
La conservación de Salaria fluviatilis influye en la conservación de Margaritifera auricularia, bivalvo d'augua dulza que presenta una etapa de lo suyo ciclo biolochico como parasito en las branquias d'este peix.
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ Manuel Alcántara Las almejas de agua dulce en Aragón: Margaritifera auricularia y otros bivalvos De la edición, Consejo de Protección de la Naturaleza de Aragón [1]
- ↑ IUCN (en)
Vinclos externos
[editar | modificar o codigo]
Se veigan as imáchens de Commons sobre Salaria fluviatilis.
Wikispecies tiene un articlo sobre Salaria fluviatilis.
| Control d'autoridaz |
|
|---|
Datos: Q837644- Multimedia: Salaria fluviatilis / Q837644
- Especies: Salaria fluviatilis