Catalunya

	Catalunya; Cataluña; Catalonha
	Comunidat autonoma d'Espanya
Bandera	Escudo
	Himno: Els Segadors
Entidat; • Estato	Comunidat autonoma; Espanya
Capital	Barcelona
Subdivisions	41 comarcas
Idioma oficial	Catalán, aranés y castellano
Superficie; • Total	Pos. 6 de 19; 31 895 km²
Población; • Total (2015); • Densidat	Pos. 2 de 19; 7 424 754 hab. ; 232,92 hab/km²
‎Chentilicio	Catalán/a
ISO 3166-2	ES-CT
President	Salvador Illa
Estatuto d'autonomía	9 de setiembre de 1932; 9 d'agosto de 2006
Día Nacional de Catalunya	11 de setiembre
	;
	Pachina web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Catalunya (en catalán Catalunya, en aranés Catalonha) ye un país intregrato como comunidat autonoma en Espanya y situado en o nord-este d'a Peninsula Iberica. Muga a lo norte con Francia y Andorra, a l'este con a Mar Mediterrania, a lo sud con a Comunidat Valenciana y a l'ueste con Aragón. Historicament Catalunya tamién ha abracau as comarcas d'o Vallespir, o Conflent, o Capcir, o Rosellón y a parti norte d'a Cerdanya u Alta Cerdanya, territorios ultrapirenencos dependients d'os antigos condaus d'o Rosellón y a Cerdanya y que fan parte de l'actual departamento francés d'os Pireneus Orientals. Istas comarcas s'abracan baixo a denominación de Catalunya Norte. As Islas Medas tamién fan parti de Catalunya.

Catalunya ye a comunidat autonoma con mayor producción industrial d'Espanya y en ella se troba un 25% d'os foranos estranchers en tot o país.

Simbols

Catalunya tiene cuantos simbols extendius de diferent forma entre los suyos habitants, beluns d'os cuals han estau oficializaus. L'articlo 8 d'o vichent Estatuto d'Autonomía define como simbols nacionals la bandera, conoixida como la senyera, la fiesta nacional conoixida como la Diada y lo himno conoixiu como Els segadors.

División politico-administrativa

Provincias

Catalunya ye formata por cuatro provincias:

Provincia de Barcelona: capital Barcelona.
Provincia de Chirona: capital Chirona.
Provincia de Leida: capital Leida.
Provincia de Tarragona: capital Tarragona.

A Val d'Arán anque ye incluso dentro d'a organización provincial de Leida, tien cierta autonomía administrativa.

Comarcas

Se veiga l'articlo prencipal d'as comarcas de Catalunya.

Catalunya se divide en 41 comarques, 38 d'as cuals datan d'a división feita en 1936, que tenió vichencia dica 1939, cuan fue suprimida por o franquismo. Pasau lo periodo franquista, y reinstaurada la monarquía en Espanya como una monarquía parlamentaria, en 1987 a Cheneralidat prene de nuevo esta división territorial, a la cuala en 1988 s'adhibioron 3 nuevas comarcas, en 1990 se modifica bella muga territorial.

Parla

En Catalunya se charran cuantas luengas, d'as cualas las principals son lo castellano y lo catalán, cheneralment los catalans conoixen totas dos lenguas per lo que gosan estar mayoritariament bilingües. D'alcuerdo con o Estatuto d'Autonomía, toz dos idiomas, chunto a l'occitano (en a suya variant aranesa), son oficials. Amás, se considera a lo catalán luenga propia de Catalunya, mientres que l'occitano se considera luenga propia d'a Valle de Arán.

Per la próximidad con Aragón lo catalán ha orichinau influencias en l'aragonés conoixius como catalanismos en aragonés, que son elementos lingüisticos orichinaus en catalán y presents en idioma aragonés y que son difícils d'avaluar perque per vecindat y orichen común comparte isoglosas con lo catalán y lo desconoiximiento en profundidat d'estas dos luengas per parte d'a filolochía tradicional espanyola ha feito que a sobén se considerasen catalanismos en aragonés lo que no estase igual que lo castellán.

Fauna

La fauna de Catalunya a grans rasgos se compone d'una combinación d'una minoría d'animals endemicos d'a rechión y una mayoría d'animals que tamién son presents en atros puestos. Gran parte d'o territorio de Catalunya desfruta d'un clima mediterranio (exceptuando las rechions de montanya), coseta que fa que muitos d'os animals que viven sían adaptaus a los ecosistemas mediterranios. Las actividaz humanas han posado en periglo la biodiversidat animal de Catalunya, posando cualques especies en periglo y extinguiendo atros. Per unatro costau, lo gubierno tamién ha delimitado zonas protechidas pa conservar la riqueza natural de Catalunya.

Se veiga tamién

Referencias

↑ (es) Gran Atlas Universal: España (Tomo 6), Salvat Editores,S.A. , ISBN 84-345-9788-8, 1998, p. 44
↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.