Río Danubio

De Biquipedia
Ir ta: navego, busca
Articlo d'os 1000
Danubio
Donau (en alemán)
Dunaj (en eslovén)
Duna (en hongaro)
Dunav (en crovate)
Дунав/Dunav (en serbio)
Дунав (en bulgaro)
Dunăre (en rumán)
Дунай (en ucrainés)
O Danubio en trescruzando Budapest
O Danubio en trescruzando Budapest.
Administración
Estatos Flag of Germany.svg Alemanya
Flag of Austria.svg Austria
Flag of Slovakia.svg Eslovaquia
Flag of Hungary.svg Hongría
Flag of Croatia.svg Croacia
Flag of Serbia.svg Serbia
Flag of Romania.svg Rumanía
Flag of Bulgaria.svg Bulgaria
Flag of Moldova.svg Moldavia
Flag of Ukraine.svg Ucraína
Territorios
Cheografía
Longaria 2.860 km
Altaria d'o naixedero 678 m
Naixedero Selva Negra
Desembocadura mar Negra
Hidrolochía
Superficie d'a cuenca 777.000 km²
Cabal meyano 6.400 m³/s
Mapa
Mapa d'a compleganza d'o río Danubio
Mapa d'a compleganza d'o río Danubio.
Puent de piedra sobre o río Danubio en a ciudat alemana de Ratisbona.
Alegoría d'o río Danubio en a fontana dei Quattro Fiumi, en Roma.

O Danubio (en alemán Donau, en eslovaco Dunaj, en hongaro Duna, en crovate Dunav, en serbio Дунав/Dunav, en bulgaro Дунав, en rumán Dunăre, en ucrainés Дунай) ye un río d'Europa Central, o segundo río d'Europa por a suya longaria dezaga d'o río Volga.

Naixe en a Selva Negra (Alemanya) y recorre 2.850 km antis de plegar a las costas rumanesas d'a mar Negra, en o dito delta d'o Danubio (que ye declarato Patrimonio d'a Humanidat por a UNESCO). O Danubio ye navegable por grans barcos dica la ciudat de Brãila (Rumanía) y ta barcos más chicotz dica Ulm (Alemanya) a una distancia de 2.600 km d'a mar. Alto u baixo 60 d'os suyos afluyents son tamién navegables. Os prencipals afluyents son o Lech, l'Isar, l'Inn, o Morava, o Váh, o Rába, o Drava, o Tisza, o Sava, o Siret y o Prut.

A cuenca d'o Danubio tien una superficie de bells 777.000 km², distribuyitos entre os estatos d'Alemanya, Austria, Eslovaquia, Hongría, Serbia, Croacia, Bosnia y Herzegovina, Eslovenia, Bulgaria, Rumanía, y Ucraína. Belas d'as ciudats más importants que banya son: Ulm, Ratisbona y Passau en Alemanya; Linz y Viena en Austria; Bratislava en Eslovaquia; Gyõr y Budapest en Hongría; Belgrado en Serbia; y Galatzi y Brãila en Rumanía. Antiparte, d'a suya cuenca en fan parte atros países, como Italia, Polonia, Suiza, a Republica Checa, Eslovenia, Bosnia-Herzegovina, Montenegro, a Republica de Macedonia y Albania.

Ye un curso fluvial con a-saber-la importancia en a Historia d'Europa; asinas, estió quantas anyadas a muga d'o Imperio Román, o dito limes, chunto con o río Rin.

Toponimia[editar | editar código]

O nombre d'o río Danubio ye en alemán Donau, en eslovaco Dunaj, en hongaro Duna, en crovate Dunav, en serbio Дунав/Dunav, en bulgaro Дунав, en rumano Dunăre, en ucrainés Дунай, y en turco Tuna, estando totz istos nombres derivatos d'o nombre d'o río en latín, Danubius, que pareix estió o nombre d'un dios fluvial en a mitolochía romana. Cal parar cuenta que en farsi (una atra luenga indo-europea), a palabra ta decir "río" ye dānu, a on se puet reconoixer a mesma radiz.

Nomás o nombre en griego tien una radiz diferent, en decir-se en ixa luenga Ἴστρος (Istros).

En os textos medievals aragoneses mos podemos trobar denominacions derivatas d'estas dos radices coexistindo en un mesmo libro, dependendo d'o idioma orichinal d'a traducción. En o "Libro d'o Trasoro" leyemos un fragmento intresant quan parlan de Tracia:

Et sabet que en la fin de Craçia ues septentrion corre en Danoyn, es a saber, el grant flum de Alamanya
Et sabet que es daua vezes vn grant flum que yes clamado Ystras, que nasce en grandes montanyas de Alamanya on ocident ves Lonbardia; e rescibe .lx. flums, cadauno assi grant que nau y puede andar; tanto que el se parte en .vij. e se entra en mar en ves orient, en do y entran asi fuertement que sus auguas su dolçor bien .xx. leguas, que ellas no son mezcladas con el agua de la mar.
Mas es trobado por los saujos que la tierra de Stica es en Asia, segunt el conto departe aqui deuant, ya sia esto que las islas de Stica que son daqua el Danaun son .lxx. passos luente del golfo de Tarsia do es la mar congelada, e por esta razon la claman la mar Muerta. Apres esta Alamanya, que comjença a las montannas de Saona deues el Danaun, e dura entro au Rin.

Mitolochía[editar | editar código]

En a mitolochía griega, Danubio (Ἴστρος, Istros), yera uno d'os 25 fillos de Tetis y Ocián, y asinas amanix en as obras d'Hesiodo.

Antiparte, o mito d'os argonautas diz que puyoron por o curso d'o río Istros dende a mar Negra dica o suyo naixedero, ta dimpués tornar a la mar Hadriana por una atra branca d'o mesmo río. Diodoro de Secilia, ya en o sieglo I aC, diz que ixo ye platero que no ye posible, y diz que ye fácil una confusión con a homonimia entre o río Istros y a peninsula d'Istria, a o norte d'a mar Hadriana.

Afluyents[editar | editar código]

Os prencipals afluyents d'o río Danubio (por orden d'a suya confluyencia en o curso prencipal) son:

Vinclos externos[editar | editar código]