Tracia
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Tracia ye una rechión historica d'o sureste d'Europa entre a Mar Echea y a Mar Negra que prene nombre d'os antigos tracios y que actualment ye dividita entre Bulgaria, Grecia y Turquía, correspondendo a lo sureste de Bulgaria, a lo noreste de Grecia y a tota a part europea de Turquía. Con una superficie d'uns 50.000 km², a suya muga occidental ye o río Mesta.
L'ueste de Tracia presenta un releu montanyoso por a presencia d'os Monts Rhodopeyos, que delimitan a depresión d'o Maritza, o principal río d'a rechión. O norte de Tracia corresponde a las estribacions meridionals d'os Monts Balcans. O sector turco ye a l'este d'o río Maritza y corresponde a la cuenca d'o Ergene.
O clima ye mediterranio en a zona plana y costera. A ganadería ye a principal fuent tradicional de riqueza. Se cautiva os fruitals, a olivera, a vinya y o tabaco.
O principal nuclio habitato ye Estambul, seguito de Plovdin. Tamién ye important Andrianoplin.
A composición etnica ye estata diversa, con bulgaros ortodoxos, bulgaros musulmans (pomacos), turcos rumelís, vlacos helenizatos y griegos en as ciudatz y as zonas costeras. Entre a Primera Guerra Balcanica y a Segunda Guerra Mundial bi ha habito expulsions y intercambeos de población seguindo a los cambeos de mugas.
En textos medievals en aragonés s'escribe de diferents trazas: Tracia, Trachi, ecetra. En o "Libro d'el Trasoro" leyemos Craçia:
Vinclos externos[editar | modificar o codigo]
Se veigan as imáchens de Commons sobre a antiga Tracia.
