Río Rin

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rin
Rhein - Rhin - Rijn - Rain
Rheinfall en Schaffhausen, Suiza.
Administración
Estaus	Suiza Liechtenstein Alemanya Francia Países Baixos
Cheografía
Longaria	1.230 km
Altaria d'o naixedero	1.602 m
Naixedero	Hinterrhein (Suiza)
Desembocadura	mar d'o Norte
Hidrolochía
Superficie d'a cuenca	185.000 km²
Cabal meyano	2.200 m³/s
Mapa

O río Rin (en alemán Rhein, en francés Rhin, en neerlandés Rijn, en rumanche Rain) ye un d'os ríos mas largos d'Europa. Tien una longaria de 1.230 km.

Naixe en os Alpes suizos, d'on s'aleixa fluindo principalment enta o nord, a on primero sinyala la muga entre Suiza y Liechtenstein; dimpués se desvía ta l'ueste, forma o laco de Gostanza y fa muga con Alemanya y, mas entabant, atra vegada en a endrecera norte, sinyala la muga entre iste zaguer estato europeu y Francia. Dimpués se matiene mientres muitos kilometros en territorio alemán ta l'ueste, y a la fin desemboca en a mar d'o Norte en Países Baixos, a on chunto a lo Mosa forma un gran delta.

A mayor parti d'a suya cuenca ye en territorio alemán (100.000 d'os 185.000 km²).

Toponimia

En pasando por Basilea, Suiza

O hidronimo Rin ye d'orichen celta, de cuan se i charraba o galo. Una mención en aragonés fácil que tradueita dende o francés se troba en o "Libro d'el Trasoro":

Apres esta es Alamanya, que comjença a las montannas de Saona deues el Danauo, e dura entro au Rin. Aquesti flum departe jadis a la uja de Francia, mas agora dura entro en Lorença

En a traducción herediana de "Historia Langobardorum" de Paolo Diacono lo nombran como Reno calcando dreitament dende o latín Rhenus:

La plaga septentrional o trasmontanal atanto como es pusa partada de la calor del sol et yelada por frío de nieves atanto es más sana a los corses humanales et más abta a multiplicar más gentes, por que es facto que diús la trasmontana tanta multitut de pueblos nascen que toda aquella rigién dentro en la mar occidental, ya sea que cascuno de los lugares sean nombrados por propios nombres, empero por vocable generall es clamada Germania. Et ya sea que los Romanos tuviesen dos provincias subiugadas(a) ultra lo Reno(b), clamaron aquellas Germania sobirana iusana et de aquesta Germania así poblada ixieron gens sovén las quales tribularon grant partida de Asia et mayorment Europa así contigua. De aquesto fazen testimonio toda Illiria et Gallia et mayorment Ytalia mesquina, la qual aýna ha esprovada la qualdat de todas aquellas gentes, car los Godos et los Vandalos, Rugos et Turcilnigos et los otros ferestegues et barbres nascions partieron de Germania. Semblantment la nación Gueinlos, co es de los Lombartes fué multiplicada la qual después tu /f. 90v/ vo benevuyradament el reno de Ytalia. Partió de los pueblos de los Germans de una ysla clamada Estandinavia.

Vinclos externos

• Se veigan as imáchens de Commons sobre lo río Rin.

Referencias

• Datos: Q584
• Multimedia: Rhine / Q584