Hespital de Santa Cristina de Somport
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Santa Cristina de Somport | |
|---|---|
 Anvista d'o hespital de Santa Cristina de Somport | |
| Situación cheografica | |
| Estau | |
| País | |
| ' | |
| Situación |  Somport, Aragón
|
| Adreza | |
| Coordenatas | |
| Archidiocesi | |
| Diocesi | |
| Arcipestrau | |
| Información cheneral | |
| Advocación | Santa Cristina |
| Culto | |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Hespital |
| Estilo | Romanico |
| Función | |
| Catalogación | Bien d'Intrés Cultural |
| Materials | |
| Construcción | |
| Construcción | Sieglo XII |
| Fundador | |
| Inicio | |
| Fin | |
| Devantadera | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
O hespital de Santa Cristina de Somport estió un hespital situato en o cobalto d'o puerto de Somport amán de Candanchú.
Establito en o sieglo XII, ya en charraba o Codice Calixtino en l'inte d'a suya fundación, decindo que yera Unum Tribus Mundi, ye decir, un d'os tres hespitals mas importants d'o mundo chunto con os de Cherusalem y Gran Sant Bernal. No se'n conoixe a calendata exacta d'a fundación, anque apareixe en un documento de Sancho Remíriz escrito por Ricardo de l'Arco en 1078 pareixe que ye falso, por o que o documento mas antigo en que apareixe ye un diploma de Pero I de l'anyo 1100.
A importancia d'o hespital en a epoca viene de que yeran muitos os pelegrins que trigaban o Sommus Portus ta fer o Camín de Sant Chaime, prenendo a branca d'a vía tolosana que pasaba por Aspa (bi n'heba una atra que pasaba por Maule-Lextarre y Roncesvals). Un d'os puntos mas dificils d'o camín yera o paso d'os Pireneus por a dureza d'os monts y as malas condicions climatolochicas que bi heba a ormino.
Cuan os pelegrins heban puyato lo puerto, a sobén cansos, fambrosos u malautos, o hespital yera un buen puesto ta escansar-se. Seguntes mos diz o Codice Calixtino u Liber Sancti Iacobi, libro a on se replegaban as cuatro rotas oficials d'o Camín que trescruzaban Francia, a los pelegrins lis s'agüespaba de gufanya mientres tres días, lis se daba de minchar y cenar y si yeran malautos lis se cudiaba dica que se recuperasen. Si moriba un pelegrín s'apedecaba en o chicot fosal que yera chunto a la capiella.
A decadencia prencipia en 1374 y mientres o sieglo XVI, debito a las guerras entre catolicos y hugonoz, os monches albandonan o hespital y s'estableixen en a suya ilesia-palacio de Chaca.
Leyenda d'a fundación
[editar | modificar o codigo]Se diz que dos caballers anonimos decidioron de fer en Somport un chicot refuchio ta agüespar a los pelegrins que a sobén moriban en iste punto d'o Camín de Sant Chaime por fambre, a nieu u as bestias d'istos monts.
Cuan yeran dandaliando sobre o millor puesto ta devantar o refuchio s'apareixió una paloma blanca que portiaba en o suyo pipón una cruz d'oro que deixó en o puesto a on Dios heba sinyalato que teneba que fer-se a ilesia. Asinas a noticia s'estendilló por tota la tierra y se facioron tantas donacions que os caballers no facioron un chicot refuchio como heban pensato, sino un gran hespital.
Dende allora o emblema d'o hespital estió una paloma blanca con una cruz dorata en o pipón.
Distribución
[editar | modificar o codigo]
2. Ilesia
3. Necropoli
4. Monesterio
Gracias a las excavacions arqueolochicas y a las cronicas que mos dan datos de l'antiga distribución d'os edificios d'o hespital, podemos conoixer l'aspecto que'n teneba en a suya millor epoca.
En o centro d'o conchunto bi heba una chicota ilesia romanica, d'entre os sieglos XII y XIII con abside semicercular orientata a l'este. Chunto a ista os fundamentos d'a tabierna d'o sieglo XVIII a on minchaban os pelegrins. A l'atro canto d'a ilesia yera la necropoli, a on pueden veyer-se encara las sepolturas de piedra.
O monesterio yera situato tamién chunto a la ilesia, en o canto mas amanato ta Francia, puesto que ocupaba antis d'o sieglo XVI a tabierna. Ta rematar, seguntes o historiador Frai Francisco Lalana, en o cobaixo bi yera o palacio d'o prior y l'armita de Santa Barbara.
Bibliografía
[editar | modificar o codigo]- (an) Nagore Laín, Francho: Reseña de Cartulario del Hospital de Santa Cristina de Somport, edición de Juka Kiviharju, Luenga & fablas, 8-9 (2004-2005), pp. 213–216.
Vinclos externos
[editar | modificar o codigo]| Control d'autoridaz |
|
|---|
Datos: Q3572282
Multimedia: Hospital de Santa Cristina de Somport / Q3572282