Larrés
| Larrés | |
| Lugar d'Aragón | |
 Pozo de casa Chandepuén | |
| Entidat • País • Provincia • Comarca • Municipio |
Lugar Aragón.svg){kind=small} UescaAlto Galligo Samianigo |
| Población • Total |
82 hab. (2016) |
| Altaria • Meyana |
912 m. |
| Distancia • 60 km |
enta Uesca |
| Codigo postal | 22600 |
| Chentilicio | larresino |
| Parroquial • Diocesi • Arcipestrau |
Chaca Samianigo |
| Coordenadas | |
Larrés ye un lugar aragonés d'a provincia de Uesca situato en o municipio de Samianigo, en a comarca de l'Alto Galligo. Destacan entre os suyos edificios a ilesia y o castiello en o cobalto d'o lugar.
Cheografía[editar | modificar o codigo]
Situato a 912 m d'altaria, chunto a o río Aurín. Formato por dos carreras prencipals y atras segundarias derivatas d'istas.
Demografía[editar | modificar o codigo]
Teneba a la fin d'o sieglo XV 25 fuegos y a meyatos d'o sieglo XIX 68 habitants d'os que en 1981 i quedaban 62.
Molimentos[editar | modificar o codigo]
O Castiello de Larrés. L'edificio mas important y talmén mas conoixito d'o lugar ye o suyo castiello-palacio d'epoca baixomeyeval que fue restaurato por os "Amigos de Sarrablo" y que agora ye o "Museu de Debuixo". A importancia d'iste castiello viene de que ye una d'as pocas edificacions esfensivas que se troban hue en a redolada. Tien dos torres y un patio interior con quatro arcos. O Museu amuestra en a suya colección permanent una polita triga de debuixos que abraca dende finals d'o sieglo XIX dica l'actualidat. Se exponen 350 obras repartitas en 17 salas d'as mas de 3.000 que fan actualment o fundo.
Anque s'ha modernizato o lugar encara bi ha buenas muestras de l'arquitectura popular sarrablesa con as tipicas puertas y finestras adobelatas y as chamineras pirenencas. Destacan entre atras casa El Maestro, Sanvicente, El Cirujano, Julián, Jaime y Andrés Tomás.
A Ilesia d'a Natividat de Nuestra Sinyora de Larrés. Ye una ilesia en estilo renaixentista adedicada a la Natividat de Nuestra Sinyora, estando la ilesia parroquial d'o lugar.[1] Ye un edificio con nomás que una sola nau con planta rectangular construyiu con mampostería y con dos capiellas laterals en o centro d'a nau a cadagún d'os suyos cantos, capiellas que poseyen planta quadrada y con una altaria una mica menos que la nau prencipal. Se dentra en a ilesia a traviés d'un arco de meyo punto dende un portico y tamién bi ha una torre adosada.[2]
Referencias[editar | modificar o codigo]
- ↑ (es) Parroquias del Arciprestazgo de Sabiñánigo en o sitio web d'a Diocesi de Chaca.
- ↑ (es) Iglesia de la Natividad de Nuestra Señora de Larrés en o sitio web d'o Sistema de Información del Patrimonio Cultural Aragonés.