Tamarit de Litera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tamarit de Litera Tamarit de Llitera | ||
| Municipio d'Aragón | ||
| ||
 Anvista de Tamarit de Litera nevato. | ||
| Entidat • País • Provincia • Comarca |
Municipio Aragón.svg){kind=small} UescaLitera | |
| Partiu chudicial | Monzón | |
| Superficie | 110,6 km² | |
| Población • Total • Densidat |
3445 hab. (2013) 31,15 hab/km² | |
| Altaria • Meyana |
360 m. | |
| Distancia • 92 km |
enta Uesca | |
| Codigo postal | 22550 | |
| Chentilicio | Tamaritano/a[1][2] | |
| Parroquial • Diocesi • Arcipestrau |
Balbastro-Monzón Cinca Meya-Litera | |
| Coordenadas | ||
| Web oficial | ||
Tamarit de Litera (Tamarit de Llitera en catalán y Tamarite de Litera en castellano) ye un municipio aragonés d'a provincia de Uesca, capital historico-cultural d'a comarca de Litera.
A suya población ye de 3445 habitants, en una superficie de 110,60 km², con una densidat de población de 31,15 hab/km².
Cheografía[editar | modificar o codigo]
Tamarit de Litera ye situato a 360 metros d'altaria sobre o livel d'a mar, a una distancia de 92 km de Uesca, a capital d'a suya provincia.
Mugas[editar | modificar o codigo]
O suyo termin municipal muga con Alcampell, Altorricón, con Vencillón, Esplús, Binéfar y Sant Istevan de Litera.
Economía[editar | modificar o codigo]
Tamarit de Litera cambió una economía agraria de secano por una de regano con l'arribada d'a Canal d'Aragón y Catalunya. L'aproveitamento industrial de l'augua ha permitiu a naixencia d'un important rete agroindustrial y siredurchico. Antimás Tamarit de Litera ye o centro de servicios (colechio, medico, administración, comercios, entre atros) d'a suya redolada.
Historia[editar | modificar o codigo]
Seguntes Agustín Ubieto Arteta, a primera cita d'o lugar ye de 1094, recullita en a obra de Cheronimo Zurita Anals d'a Corona d'Aragón) y documenta as variants Tamarite, Tamarit, Tamariht, Tamareto, Tamaretro, Tamarete, Tamaret y Tamarito.[3]
Sindembargo, a primera reconquiesta d'a ciudat estió en 1064, por o rei Sancho Remíriz d'Aragón, ta perder-la dos anyadas dimpués. La reconquerió en 1107 Alifonso I O Batallero,[4] qui la perdió en 1134.
En 1107, recibió o títol de ciudat, encara que a suya conquiesta definitiva estió entre 1143 y 1149; dende 1169 recibió o Fuero de Zaragoza.[5]
En Tamarit se celebroron Corz d'Aragón en 1375 y 1383, cuan a localidat yera una d'as prencipals ciudaz d'Aragón.
Demografía[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración[editar | modificar o codigo]
Reparto de concellers[editar | modificar o codigo]
| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | - | 4 | 3 | 6 | 6 | 3 | 4 | 6 | 5 |
| Partido Popular | - | 2 | 2 | 1 | 3 | 4 | 4 | 3 | 5 |
| Chunta Aragonesista | - | - | - | - | - | - | 1 | 1 | 1 |
| Partido Aragonés | - | 5 | 5 | 4 | 2 | 4 | 2 | 1 | 0 |
| Centro Democrático y Social | - | - | 1 | - | - | - | - | - | - |
| Unión de Centro Democrático | 6 | - | - | - | - | - | - | - | - |
| Independientes | 4 | - | - | - | - | - | - | - | - |
| Total | 11 | 11 | 11 | 11 | 11 | 11 | 11 | 11 | 11 |
Alcaldes[editar | modificar o codigo]
| Lechislatura | Nombre | Partiu politico |
|---|---|---|
| 1979–1983 | Florencio Nadal | Partido Aragonés Regionalista |
| 1983–1987 | Florencio Nadal | Partido Aragonés Regionalista |
| 1987–1991 | Florencio Nadal | Partido Aragonés Regionalista |
| 1991–1995 | Modesto Capdevila | Partido de los Socialistas de Aragón |
| 1995–1999 | Modesto Capdevila | Partido de los Socialistas de Aragón |
| 1999–2003 | Javier Pelegrí | Partido Aragonés |
| 2003–2003 | Javier Urgelés | Partido de los Socialistas de Aragón |
| 2003–2007 | Francisco Mateo Rivas | Partido de los Socialistas de Aragón |
| 2007–2011 | Francisco Mateo Rivas | Partido de los Socialistas de Aragón |
| 2011–2015 | Francisco Mateo Rivas | Partido de los Socialistas de Aragón |
Molimentos[editar | modificar o codigo]
- Ilesia de Santa María la Mayor, d'estilo romanico, d'o sieglo XIII, construita dencima d'a mezquita mayor d'a ciudat dende 1149. A ilesia actual ye muit modificata, encara que mantiene a suya estructura orichinal d'un edificio de tres naus de planta basilical con vuelta de canyón y un abside por nau, y tamién a suya frontera sud (encara que con elements en estilo renaixentista). O suyo timpano tien como modelo o timpan d'a ilesia d'o Monesterio de Sant Per o Viello de Uesca.[5]
- Ermita de Santa Ana de Tamarit de Litera, una ermita d'estilo gotico, d'o sieglo XIV.
- Ilesia d'o Patrocinio de Tamarit de Litera, una ilesia d'estilo renaixentista.
- Palacio Casa Cariello, un palacio renaixentista aragonés, con cupula barroca.
- Castiello de Santa Barbara, conoixiu popularment como lo Castiello d'os Moros, a on o Cit Campiador estió bel tiempo fortificau.
- As alfombras feitas de sarradizos tintaus, que se fan ta o Corpus Christi
Personalidaz naixitas de Tamarit de Litera[editar | modificar o codigo]
- Fernando Aranda Grúas, piloto de motos y primer aragonés ganador d'a preba mundial de motociclismo.
- José Florences Gili, mago establidor d'a Sociedat Espanyola d'Ilusionismo. Anyalment se celebra una trobada nacional de magos que tien o suyo nombre.
- Víctor Manuel Nogueras, medico d'o rei Alifonso XIII d'Espanya.
- Ana Gracia, actriz.
- Julián Miranda y Bistuer, deán d'a Seu de Segovia.
- Chuan I de Castiella.
- Sant Vicent de Paúl. No se sabe con seguranza si naixió de Tamarit, lugar de procedencia de sus pais u bien de Puoy (hue Sent Vincenç de Pau).
Esportes[editar | modificar o codigo]
- O fútbol ye representato por o Club Deportivo Tamarite.
Fiesta Mayor[editar | modificar o codigo]
- A primer semana de setiembre, en honor a Nuestra Sinyora d'o Patrocinio.
Vinclos externos[editar | modificar o codigo]
Se veigan as imáchens de Commons sobre Tamarit de Litera.- (es) Pachina web oficial municipal.
- (es) Tamarit de Litera en RomanicoAragones.com.
- (en) Tabla de Sant Miguel en o Museu d'Arte de Filadelfia
Referencias[editar | modificar o codigo]
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.430
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (es) Ubieto Arteta, Agustín: Toponimia aragonesa medieval, Valencia, 1972, pachina 189.
- ↑ (es) David González Ruiz: Breve Historia de la Corona de Aragón. Ediciones Nowtilus, S.L., Madrit, abril de 2012, p. 69, ISBN 978-84-9967-306-6
- ↑ 5,0 5,1 (ca) Catalunya romànica. Guies comarcals: El Segrià, Les Garrigues, El Pla d'Urgell, La Llitera, El Baix Cinca, Editorial Enciclopèdia Catalana, Barcelona, 2000, ISBN 84-7306-661-8.
- ↑ Datos Eleccions MIR
- ↑ https://web.archive.org/web/20110105133451/http://portal.aragob.es/archelec/index.jsp
| Municipios d'a comarca de Litera | |
|---|---|
| Albelda | Alcampell | Altorricón | Baells | Binéfar | Camporrélls | Castillón Roi | Esplús | Peralta y Calasanz | Sant Istevan de Litera | Tamarit de Litera | Valdellou | Vencillón | Zanui-Alins |
| Lugars d'o municipio de Tamarit de Litera | |
|---|---|
| Algayón | La Melusa | El Patrocinio | Tamarit de Litera |