Clamor Amarga

De Biquipedia
(Reendrezato dende Clamor d'Almacellas)
Ir a la navegación Ir a la búsqueda
Clamor Amarga
Clamor d'Almacellas
Administración
Estatos {{{estatos}}}
Territorios Flag of Catalonia.svg Catalunya
Flag of Aragon.svg Aragón
Cheografía
Longaria 42,60 Km km
Altaria d'o naixedero  m
Naixedero Municipio d'Albelda (Uesca)
Desembocadura Río Cinca (Uesca)
Hidrolochía
Superficie d'a cuenca 785,20 km² km²
Cabal meyano m³/s


A Clamor Amarga, Clamor Salada u Clamor d'Almacellas, Clamor de Tamarit u simplament La Clamor ye un barranco situau en a Francha Oriental d'Aragón y que ha feito historicament parti d'a muga entre Aragón y Catalunya.

Cheografía[editar | editar código]

A Clamor Amarga se forma o termín municipal d'Albelda en a provincia de Uesca y recorre quantos kilometros a traviés d'as comarcas de Segrián (provincia de Leida) y A Litera ta rematar desembocando en a Cinca, en o termín municipal de Zaidín, amán de Fraga.

O suyo cabal ye irregular y escaso y sirve en muitos puntos ta sinyalar a muga entre Aragón y Catalunya.

Historia[editar | editar código]

A referencia mas antiga que existe sobre a Clamor Amarga la fa o rei Sancho Remíriz en 1089 quan situa a iste barranco como muga oriental d'o Reino de Monzón:

Termini supradicti castri a parte orientis, usque al Clamor. Termini a parte occidentis que ultra Cinga usque ad terminos de Albalat et Zaaidín. A parte aquilonis, usque in terminos de Almerge
Archivo d'a Seu de Leida, Libro Verde, fol. 14 y ss.

A batalla de Fraga de l'anyo 1134 se desenvolicó en a redolada de La Clamor, estando probablement en iste puesto a on o rei Alifonso I d'Aragón fixó o suyo campamento en retirar as suyas tropas enta o noreste debiu a la presión d'o exercito musulman de Fraga.

En l'anyo 1173 torna a apareixer decumentación de a Clamor Amarga como muga fixada por o bispe de Leida con os templers de Monzón ta o pago de diezmos a la suya diocesi:

[...] et usque ad casteillon qui est super ipsa bataylla de Fraga, et vadit usque ad Clamorem que est inter Çaydi et Fraga, ubi fuit la bataylla dels almoraids

A la fin sería en 1305 quan o rei Chaime II d'Aragón confirmó en as Cortz de Zaragoza, que a muga d'Aragón se trobaba en o río Noguera Ribagorzana y a Clamor d'Almacellas, quedando alavez Zaidín en o canto aragonés y Fraga (que dimpués s'adscribió a o Reino d'aragón por as Cortz de Daroca de 1311) en o catalán.

Vinclos externos[editar | editar código]