Imperativo present en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O imperativo present en o francés expresa ordens u prohibicions d'acuerdo con o modo imperativo, pero tamién consello, deseyo, suposición y ruego^[1].

Forma

O imperativo present amuestra formas pareixidas a las d'o present d'indicativo. No tiene que tres personas: a segunda d'o singular, a primera d'o plural y la segunda d'o plural. En as atras personas se fa servir o present de subchuntivo^[1].

Una caracteristica d'o imperativo francés que lo fa diferent d'o imperativo occitán^[2], catalán y aragonés ye que se fa servir en as oracions negativas, por o que no se recurre a garra present de subchuntivo como en estas luengas:

Ne chante pas!.
- Non cantes pas! (con subchuntivo en occitán).
- No cantes! (con subchuntivo en aragonés).
Ne fais pas cela.
- Non fagas pas aquò (con subchuntivo en occitán).
- No faigas ixo (con subchuntivo en aragonés).

En a primera conchugación a segunda persona d'o singular no presenta a -s final d'o morfema, de no estar debant d'una particla pronomino-adverbial en u y por razons d'eufonía:

Mange!.
Manges-en!.

Os verbos pronominals o pronombre se posa dezaga d'o verbo en a forma afirmativa pero debant en a forma negativa:

Lève-toi.
Ne te lève pas.

Irregularidaz

As irregularidaz mes notables d'o imperativo present las trobamos en os verbos être ("estar-ser"), avoir ("haber"), savoir ("saber"), y vouloir ("querer").

O verbo vouloir ye defectivo y no presenta que a segunda persona d'o plural veuillez ("querit"^[3], "querez"^[4]).

O verbo avoir presenta as formas aie ("tiene"^[3]^[4]), ayons y ayez ("tenit"^[3], "tenez"^[4]).

O verbo être ("estar-ser") presenta as formas sois ("se"^[3]^[4]-"está"^[3]^[4]), soyons y soyez ("set"^[3]-"estat"^[3], "sez"^[4]-"estaz"^[4]).

O verbo savoir presenta as formas sache ("sabe"^[3]), sachons y sachez ("sabet"^[3], "sabez").

Emplego

Un emplego basico d'o imperativo son as ordens:

Manges-en!.
- Mincha-ne!.

Un atro emplego basico son as prohibicions, tipicament con a forma negativa:

N'en mange pas!.
- No en minches!.

O imperativo se puede fer servir pa expresar deseyos:

Amusez-vous bien.

Os consellos se pueden expresar con o imperativo:

Ne t'en fais pas.
- No te'n fayas^[5].

Un d'os tiempos adecuaus pa fer suposicions ye o imperativo:

Lisez cette lettre, vous comprendrez mieux.
- Leyet esta carta, entenderez millor.

Bi ha un emplego d'o imperativo d'o verbo aller ("ir") pa exhortar a belún que no faiga cualquecosa:

N'allez pas penser que je vous soupçonne^[1].

Referencias

↑ ^1,0 ^1,1 ^1,2 (es) Gramática francesa. Larousse Editorial, S.A, 2000., p 137-138.
↑ (fr) Pierre Bec: La langue occitane. Presses universitaires de France, 1973. Colection Que sais-je?, pp 28-29.
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 ^3,8 (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003 pp 233-271.
↑ ^4,0 ^4,1 ^4,2 ^4,3 ^4,4 ^4,5 ^4,6 (es) Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, pp 108-129.
↑ (es) Fernando Blas Gabarda, Fernando Romanos Hernando: Diccionario Aragonés: chistabín-castellano. (Bal de Chistau). Gara d'Edizions, 2008. p 294.

Bibliografía

(es) Gramática francesa. Larousse Editorial, S.A, 2000.
(es) Jesús Cantera y Eugenio de Vicente: Gramática francesa. Editorial Cátedra, S.A., 1999.
(fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996.
(fr) Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249.
(fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
(fr) Maïa Grégoire, Odile Thiévenaz: Grammaire progressive du français. Clé International, 2002.

Datos: Q25619973

[GRAMATICALAROUSSE-1] 1,0 ^1,1 ^1,2 (es) Gramática francesa. Larousse Editorial, S.A, 2000., p 137-138.

[BECOCCITAN-2] (fr) Pierre Bec: La langue occitane. Presses universitaires de France, 1973. Colection Que sais-je?, pp 28-29.

[SAURABEN-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 ^3,8 (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003 pp 233-271.

[LOZANOBELSETAN-4] 4,0 ^4,1 ^4,2 ^4,3 ^4,4 ^4,5 ^4,6 (es) Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, pp 108-129.

[CHISTAFERNANDO-5] (es) Fernando Blas Gabarda, Fernando Romanos Hernando: Diccionario Aragonés: chistabín-castellano. (Bal de Chistau). Gara d'Edizions, 2008. p 294.

[1]

[2]

[3]

[4]

[5]