Valimanya

De Biquipedia
Ir a la navegación Ir a la búsqueda
Valimanya
Localidat d'Aragón
Envista de Valimanya
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Zaragoza province (with coat of arms).svg Zaragoza
Baixo Martín
Castenló
Población
 • Total

0 hab. (2016)

Valimanya ye un despoblau medieval aragonés que i heba en l'actual termin municipal de Castenló (Baixo Martín), mugando con Escatrón (Ribera Baixa de l'Ebro).

Toponimia[editar | editar código]

Lo toponimo Valimanya se puede interpretar a partir de VALLEM MAGNA ("val gran", "val ampla"). Lo nombre de lo despoblau tamién s'aplica a una val que se reculle en lo río Martín por la marguin dreita, y de feito en lo endreito de la Venta del Fraile esta val ye muito mes luenga y ampla que las atras vals de la redolada[1]. Bi ha toponimos y microtoponimos equivalents en las provincias de Uesca (Vachimanya) y de Leida (Vallmanya), identico este zaguer a lo toponimo rosellonés Vallmanya. En Erau bi ha una abadía de Valmanha, de la Orden de Cistels igual como lo Monesterio de Rueda.

Como toponimo transportau se torna a trobar en la Castellón (Sierra de Valimanya, dimpués La Serra d'en Galceran), a causa de la participación de Pero de Valimanya en la campanya de conquiesta de Valencia de tiempos de Chaime I[1].

Cheografía[editar | editar código]

Actualment en la finca dita "Valimanya" bi ha un entibo que reculle las auguas de lo barranco de Valimanya y de lo mesmo Martín. Este entibo ye rodeyau por una orla de tamarizas y ye un refuchio pa la fauna salvache.

Historia[editar | editar código]

En una segunda ondada repobladora buena part de las tierras de lo Baixo Martín cayoron en mans de nobles u d'ordens militars. Las tierras de Valimanya cayoron en mans d'una familia de mesnaders aragoneses que debioron prener lo nombre de la suya principal propiedat como de feito facioron atras familias nobles en lo sieglo XII[1]. Lo castiello de Valimanya ye mencionau por primera vegada en lo sieglo XII, en lo testamento de Pero de Valimanya. A mitat de lo sieglo XIV perteneixeba a lo Monesterio de Rueda.

Referencias[editar | editar código]

  1. 1,0 1,1 1,2 (es) Alfredo J. Martínez Tirado: El castillo, granja cisterciense y Venta de Valimaña en Castelnou. Rujiar XV. Miscelánea del Centro de Estudios del Bajo Martín, nº XV, año 2014, pp 124-126.

Bibliografía[editar | editar código]