Bogotá

	Bogotá; Bogotá, Districto Capital
	Localidat de Colombia
Estau; • Departamento	Colombia; Districto Capital
Superficie	1.587 km²
Población; • Total; • Densidat	; 7200000 hab. (2019); 22.593 hab/km²
Altaria; • Meyana	; 2.640 m.
Codigo postal	11
Coordenadas	4°36’34’’N74° 4’54’’U
	Bogotá Bogotá en Colombia
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bogotá ye una ciudat de Colombia, capital d'ixe país y situata en o suyo centro y en plena cordelera d'os Andes. A ciudat tien una superficie de 1.587 km², una población de 6.778.691 habitants (ye a ciudat con mayor numero d'habitants de Colombia) y una densidat de población de 22.593 hab/km². Amás d'estar a capital de Colombia, ye o prencipal centro economico y cultural d'o país, y en fan parte 20 localidaz. Mientres o gubierno colonial espanyol (y tamién dende 1991 dica 2000) recibiba o nombre de Santafé de Bogotá.

En estar a capital, en Bogotá se i troban as seus d'os tres poders que conforman un estato, seguntes as teorías d'a división de poders: d'o poder executivo (a dita Casa de Nariño), d'o poder lechislativo (o Congreso Nacional de Colombia) y d'o poder chudicial (a Cort Suprema de Chusticia de Colombia, a Cort Constitucional de Colombia, o Consello d'Estato de Colombia y o Consello Superior d'a Chudicatura).

Dende o punto d'anvista economico, Bogota aporta o 24,5% d'o Producto Interior Bruto de Colombia, seguntes o Departamento Administrativo Nacional de Estadística,^[1] estando asinas a ueitena ciudat d'America Latina por o suyo PIB.

Etimolochía

O nombre d'a ciudat tien o suyo orichen en a palabra Bacatá, que yera o nombre que en idioma muisca recibiba un cacicazgo d'a confederación muisca, formata por os pueblos muiscas. Sindembargo, a ciudat orichinal que i establioron os conquistadors no se trobaba emplazata en o puesto a on se trobaba Bacatá, encara que i yera amanata.

Gonzalo Jiménez de Quesada, o conquistador espanyol que li dio o suyo nombre en 1538, la fundó como Nuestra Señora de la Esperanza, pero cuan se formalizó en 1539 a fundación d'a ciudat se li dio o nombre de Santafé u Santa Fe, adhibindo-se-li l'apelliu de Bogotá ta diferenciar-lo d'atras Santafés d'o territorio colonial espanyol, estando ixe apelliu d'orichen indichena.

Cuan en 1819 Colombia se convertió en un estato independient de l'Imperio espanyol, a ciudat recuperó o suyo nombre indichena, quedando albandonata la referencia a Santafé.

Esportes

L'Instituto Distrital de Recreación y Deporte ye l'organismo que tién como finalidat promover o esporte, os chuegos y l'actividat recreativa en a ciudat y o buen uso d'as instalacions esportivas y parques.^[2] en a que seguntes estimacions feitas en l'anyo 1998, nomás o 10% d'a población yera practicando bel esporte y un 7% en feba por un regular.

L'esporte mes popular y mes practicato ye o fútbol sala, conoixito en Bogotá como fútbol de salón o microfútbol, y fue reconoixito como o esporte simbolo d'a ciudat en l'anyo 2004, por os muitos practicants que tién en a ciudat y por a millora ta la convivencia ciudana y a salut que tién.^[3] Antiparte, o suyo chimán mayor o fútbol ye tamién muit popular y a ciudat tién tres equipes en a Primera División de fútbol de Colombia: os Millonarios, que ye l'equipe que mes vegatas ha ganato o campionato con 13 vegatas, o Santa Fé, que estió o primer campión que l'ha ganato, con 7 victorias en total, y l'Equidad que ye en a Primera División dende l'anyo 2006.

Instalacions esportivas

A prencipal instalación esportiva d'a ciudat ye l'Estadio Nemesio Camacho, conoixito popularment como "El Campín", que ye a seu d'os equipes de fútbol de Millonarios, Santa Fé y a vegatas tamién de l'Equidad.

Atros escenarios esportivos importants son o complexo acuatico d'o Parque Simón Bolívar, o Palacio d'os Esportes y a Unidat Esportiva El Salitre que incluye a o Velódromo Luis Carlos Galán Faixuelo (siede d'o Campionato Mundial de Ciclismo en Pista de 1995), o Diamante El Salitre (estadio de béisbol), o Coliseo El Salitre (pabellón de baloncesto), a Pista de Bicicrós Mario Soto, o Patinódromo El Salitre (pista de velocidat y rota), entre atros.

Escaicimientos esportivos

Cada anyo en Bogotá s'organiza La Media Maratón de Bogotá, a competición atletica de rota mas important de latinoamerica sacando os campeonatos internacional, tiene a categoría de Platinum Label por o World Athletics y en tenis o Torneo WTA de Bogotá.

En l'anyo 1995 o Campionato Mundial de Ciclismo en pista tenió Bogotá como siede.

Molimentos

Seu d'a Inmaculata Concepción de Bogotá, una seu bispal d'o sieglo XIX en estilo neoclasico adedicata a la Inmaculata Concepción y que ye a seu de l'archidiocesi de Bogotá. Ye protechita legalment con a suya declaración como Monumento Nacional dende o 15 d'agosto de 1975.
Ilesia de Nuestra Sinyora de Lorda de Bogotá, una ilesia d'o sieglo XIX en estilo neogotico adedicata a Nuestra Sinyora de Lorda.
Ilesia de Santa Clara de Bogotá, una ilesia d'o sieglo XVII en estilo barroco adedicata a Santa Clara.

A mas de l'arquitectura relichiosa en a arquitectura civiol cal destacar que bi ha bels d'os edificios con mas altaria de Colombia entre os que estan o BD Bacatá, a Torre Colpatria, o Centro de Comercio Internacional y en l'actualidat se ye contruyendo as Torres Atrio que estarán l'edificio con mas altaria d'o país.