Chuego
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un chuego[1][2] (d'o latín < JOCUS "chanza, diversión") ye una actividat humana (encara que os animals tamién chugan) estructurata u semiestructurata, a sobén feita por diversión pero, a vegatas, tamién con fins educativas. Tamién s'emplega o termin chuego ta referir-se a simulacions de diversas actividaz ta entrenamiento, analís u predicción, como en a teoría de chuegos. O chuego se diferencia d'o treballo (o cual gosa fer-se a cambio de diners) y de l'arte (o cual ye mes relacionato con a expresión d'ideyas). Manimenos, a distinción no ye definitiva ya que muitos chuegos pueden estar consideratos como treballos y/u como arte. Os chuegos pueden ser individuals u practicatos en conchunto por un grupo de personas; antiparte, pueden ser chugatos por una persona contra una atra persona u por dos equipos de personas, uno contra l'atro, u mesmo pueden estar chuegos a on as partes, indiduals u en grupo, sían mas de dos.
Un eixemplo de chuego son os escaques, a on cal usar o cerebro ta chugar a partida y ganar-la. As partis clau d'un chuego son os obchectivos, as reglas, os retos y a interactividat. Os chuegos d'ordinario cheneran estimulación fisica u mental y, a sobén, as dos; aduyan a adquirir habilidaz practicas, sirven como exercicio y desarrollan un rol educacional y psicolochico.
Os chuegos son parti universal d'a cultura humana y se'n tien constancia de que se chugaban dende tiempos prehistoricos. Cualques chuegos que han estau transmitius mientres cheneracions de forma oral se consideran como chuegos tradicionals. Gosan estar os chuegos infantils clasicos, que se realizan sin l'aduya de chuguez tecnolochicament complexos, sino con o propio cuerpo u con recursos facilment disponibles en a naturaleza (arena, penyas, bels uesos como las tabas, fuellas, flors, palos, colors, trozos de ramas, etc.) u entre obchectos casers (cuerdas, papels, tablas, telas, filos, botons, y atros obchetos reutilizaus, etc.).
Se veiga tamién
[editar | modificar o codigo]Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.163
Vinclos externos
[editar | modificar o codigo]
Se veigan as imáchens de Commons sobre os chuegos.
