Tegucigalpa

	Tegucigalpa; Tegucigalpa
	Localidat d'Honduras
	; A ilesia d'os Dolors, a seu de Tegucigalpa.
Estau; • Departamento	Honduras; Francisco Morazán
Superficie	751,1 km²
Población; • Total	; 17300 hab. (1895)
Altaria; • Meyana	; 990 m.
Codigo postal	11101
Ríos	Río Choluteca
Coordenadas	14° 6’20’’N87°12’14’’U
	Tegucigalpa Tegucigalpa en Honduras
	Web oficial

Tegucigalpa ye una ciudat hondurenya, que ye la ciudat con mayor numero d'habitants d'o país y, amás, en ye la suya capital, dende 1880; d'antis mas a capitalidat d'o país fluctuaba entre Tegucigalpa y Comayagua. Ye tamién a capital d'o departamento de Francisco Morazán.

A suya población ye de 894.000 habitants (2006) en una superficie de 751,1 km², con una densidat de población de 1.190,25 hab/km².

A ciudat se troba situata en a val d'o suyo nombre, a 990 metros d'altaria sobre lo livel d'a mar, a lo canto d'o río Choluteca.

Tegucigalpa fue fundada por os espanyols en o sieglo XVI, ta estar un centro adedicau a la menería d'oro y archent. Asinas, o 29 de setiembre de 1578 s'establió la ciudat dencima d'un antigo poblau indichena, con o nombre de Real Villa de San Miguel de Tegucigalpa de Heredia.

Ye a seu de l'Universidat Autonoma Nacional d'Honduras, establida en 1847. Muit amanau a la ciudat, a una distancia de 7 km d'o suyo centro, se troba l'aeropuerto Internacional de Toncontín.