Bogotá

De Biquipedia
Ir a la navegación Ir a la búsqueda
Articlo d'os 1000
Bogotá
Bogotá, Districto Capital
Localidat de Colombia
Bandera Escudo d'armas
Bogotá Actual.png
Estau
 • Departamento
Flag of Colombia.svg Colombia
Districto Capital
Superficie 1.587 km²
Población
 • Total
 • Densidat

7200000 hab. (2019)
22.593 hab/km²
Altaria
 • Meyana

2.640 m.
Alcalde Claudia López Hernández
Codigo postal 11
Coordenadas
Bogotá ubicada en Colombia
Bogotá
Bogotá
Bogotá en Colombia
Web oficial

Bogotá ye una ciudat de Colombia, capital d'ixe país y situata en o suyo centro y en plena cordelera d'os Andes. A ciudat tien una superficie de 1.587 km², una población de 6.778.691 habitants (ye a ciudat con mayor numero d'habitants de Colombia) y una densidat de población de 22.593 hab/km². Amás d'estar a capital de Colombia, ye o prencipal centro economico y cultural d'o país, y en fan parte 20 localidatz. Mientres o gubierno colonial espanyol (y tamién dende 1991 dica 2000) recibiba o nombre de Santafé de Bogotá.

En estar a capital, en Bogotá se i troban as seus d'os tres poders que conforman un estato, seguntes as teorías d'a división de poders: d'o poder executivo (a dita Casa de Nariño), d'o poder lechislativo (o Congreso Nacional de Colombia) y d'o poder chudicial (a Cort Suprema de Chusticia de Colombia, a Cort Constitucional de Colombia, o Consello d'Estato de Colombia y o Consello Superior d'a Chudicatura).

Dende o punto d'anvista economico, Bogota aporta o 24,5% d'o Producto Interior Bruto de Colombia, seguntes o Departamento Administrativo Nacional de Estadística,[1] estando asinas a ueitena ciudat d'America Latina por o suyo PIB.

Etimolochía[editar | modificar o codigo]

O nombre d'a ciudat tien o suyo orichen en a palabra Bacatá, que yera o nombre que en idioma muisca recibiba un cacicazgo d'a confederación muisca, formata por os pueblos muiscas. Sindembargo, a ciudat orichinal que i establioron os conquistadors no se trobaba emplazata en o puesto a on se trobaba Bacatá, encara que i yera amanata.

Gonzalo Jiménez de Quesada, o conquistador espanyol que li dio o suyo nombre en 1538, la fundó como Nuestra Señora de la Esperanza, pero quan se formalizó en 1539 a fundación d'a ciudat se li dio o nombre de Santafé u Santa Fe, adhibindo-se-li l'apelliu de Bogotá ta diferenciar-lo d'atras Santafés d'o territorio colonial espanyol, estando ixe apelliu d'orichen indichena.

Quan en 1819 Colombia esdevenió un estato independient d'o Imperio espanyol, a ciudat recuperó o suyo nombre indichena, quedando albandonata la referencia a Santafé.

Esportes[editar | modificar o codigo]

L'Instituto Distrital de Recreación y Deporte ye l'organismo que tién como finalidat promover o esporte, os chuegos y l'actividat recreativa en a ciudat y o buen uso d'as instalacions esportivas y parques.[2] en a que seguntes estimacions feitas en l'anyo 1998, nomás o 10% d'a población yera practicando bell esporte y un 7% en feba por un regular.

L'esporte mes popular y mes practicato ye o fútbol sala, conoixito en Bogotá como fútbol de salón o microfútbol, y fue reconoixito como o esporte simbolo d'a ciudat en l'anyo 2004, por os muitos practicants que tién en a ciudat y por a millora ta la convivencia ciudana y a salut que tién.[3] Antiparte, o suyo chimán mayor o fútbol ye tamién muit popular y a ciudat tién tres equipes en a Primera División de fútbol de Colombia: os Millonarios, que ye l'equipe que mes vegatas ha ganato o campionato con 13 vegatas, o Santa Fé, que estió o primer campión que l'ha ganato, con 7 victorias en total, y l'Equidad que ye en a Primera División dende l'anyo 2006.

Instalacions esportivas[editar | modificar o codigo]

A prencipal instalación esportiva d'a ciudat ye l'Estadio Nemesio Camacho, conoixito popularment como "El Campín", que ye a seu d'os equipes de fútbol de Millonarios, Santa Fé y a vegatas tamién de l'Equidad.

Atros escenarios esportivos importants son o complexo aquatico d'o Parque Simón Bolívar, o Palacio d'os Esportes y a Unidat Esportiva El Salitre que incluye a o Velódromo Luis Carlos Galán Faixuelo (siede d'o Campionato Mundial de Ciclismo en Pista de 1995), o Diamante El Salitre (estadio de béisbol), o Coliseo El Salitre (pabellón de baloncesto), a Pista de Bicicrós Mario Soto, o Patinódromo El Salitre (pista de velocidat y rota), entre atros.

Estadio Nemesio Camacho

Escaicimientos esportivos[editar | modificar o codigo]

Cada anyo en Bogotá s'organiza La Media Maratón de Bogotá, a competición atletica de rota mas important de latinoamerica sacando os campeonatos internacional, tiene a categoría de Platinum Label por o World Athletics y en tenis o Torneo WTA de Bogotá.

En l'anyo 1995 o Campionato Mundial de Ciclismo en pista tenió Bogotá como siede.

Molimentos[editar | modificar o codigo]

A mas de l'arquitectura relichiosa en a arquitectura civiol cal destacar que bi ha bells d'os edificios con mas altaria de Colombia entre os que estan o BD Bacatá, a Torre Colpatria, o Centro de Comercio Internacional y en l'actualidat se ye contruyendo as Torres Atrio que estarán o edificio con mas altaria d'o país.

Localidatz achirmanatas[editar | modificar o codigo]

Vinclos externos[editar | modificar o codigo]

Referencias[editar | modificar o codigo]