Artemisia absinthium

De Biquipedia
Ir ta: navego, busca
Artemisia absinthium
Artemisia absinthium P1210748.jpg
Matas d'ixenzo en o Caucas
Denominacions populars
Ixenzo, Xenzo
Clasificación scientifica
Dominio:
Eucariotas
Reino:
Plantae
División:
Magnoliophyta
Clase:
Magnoliopsida
Orden:
Asterales
Familia:
Asteraceae
Chenero:
Artemisia
Especie:
A. absinthium
Descripción
Artemisia absinthium
Linné, 1758

O ixenzo (Artemisia absinthium (Linné, 1758)) ye una especie de planta d'a familia asteraceae que creixe en rechions tempradas d'Eurasia y Norte d'Africa. Se cautiva como planta ornamental y tamién se fa servir como ingredient pa obtener un licor dito "absenta".

Fitonimia[editar | editar código]

O fitonimo ixenzo u xenzo deriva d'o latín ABSINTHIUM, fendo part' d'os fitonimos que o latín ampra d'o griego, n'este caso, derivando este helenismo d'o griego helenistico apsínthion. ABSINTHIUM presenta una seqüencia -BS- que s'asimila a -PS- evoluciona dende o latín a l'aragonés seguindo a lei fonetica que fa que a -PS- esdevienga -x- como CAPSA y IPSE, que evolucionan a caixa y o demostrativo ixe; a consonant TH s'asimila a t como en minta, evolucionando a seqüencia TIU a zo como RATIONE evoluciona a razón. En a traducción aragonesa de "Secreto secretorum" ya leyemos exienço:

...et no los tengas ni lo ayas asi como las semie(n)tes nasçientes las quales da(n) vna yerba clamada exienço...

A variant ixenzo ye a que cabría esperar en ciertas parlas orientals y centro-orientals como chistabín y belsetán on se posa una -i- dentant d'una "x-" inicial. Rafael Vidaller Tricas la documenta en Campo, Tella, y en a localidat catalanoparlant d'Arén de Noguera, constituindo un aragonesismo. En benasqués se pronuncia con seseyo /ixenso/, como se siente en Benás y Sos. Manimenos en Renanué se documenta tanto ixenzo sin seseyo como isenso con seseyo, forma que tamién se siente en as localidatz catalanoparlants d'Espés de Dalt y Espés de Baix, constituindo un aragonesismo.

A variant xenzo sin a i ya no se conserva en garra puesto pero debió estar a més estendillada, se castellanizó x como henzo, que ye como se siente en Alquezra y Adauesca. En castellán d'Aragón se troba esta forma en a parla de Sarinyena (más amargo que el henzo).

En atros puestos como a Val d'Echo y Tella se troba a variant ahenzo tamién con grau de castellanización. En castellán d'Aragón se troba esta forma en a parla de Torrociella d'Alcanyiz, en forma plural ahenzos.[1].

En determinadas zonas d'o Sistema Iberico se diz asensio, talment por influencia de l'antroponimo, y debió estar una forma propia de l'aragonés d'as comunidatz aragonesas.

Referencias[editar | editar código]

  1. José Pardo Sastrón Catalogo o enumeración de las plantas de Torrecilla de Alcañiz asi espontáneas como cultivadas. Tip.de E.casañal y compañía. 1895. Reedición de 1995 de lo Instituto de Estudios Turolenses.

Vinclos externos[editar | editar código]