Ainielle
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre o lugar d'Ainielle. Ta atros emplegos d'o toponimo «Ainielle» se veiga Ainielle (desambigación).
| Ainielle | |
| Despoblau d'Aragón | |
| Entidat • País • Provincia • Comarca • Municipio |
Despoblau Aragón.svg){kind=small} UescaAlto Galligo Biescas |
| Partiu chudicial | Chaca |
| Población • Total |
0 hab. |
| Altaria • Meyana |
1.355 m. |
| Distancia • 86 km |
enta Uesca |
| Codigo postal | 22630 |
| Parroquial • Diocesi • Arcipestrau • Parroquia |
Chaca Biescas Sant Chuan Evanchelista |
| Ríos | Barranco d'Ainielle |
| Coordenadas | |
Ainielle ye un chicot lugar situato en o Sobrepuerto a mán ya de Sobrarbe. Anque perteneixe a lo municipio de Biescas d'antis mas yera ligato a lo concello de Barbenuta chunto a Espierre, y Bergusa.[1] Con una altaria de 1.355 ye uno d'os lugars mas altos d'o Pireneu.
Hue ye albandonato y bi ha solo que as ruinas de siet casas y una ilesia. Tamién destacan as restas d'un molín de farina d'o sieglo XVIII. Yera dividito en dos vicos. Tradicionalment as casas d'Ainielle yeran Casa O Rufo, Casa Ambrosio, Casa Usieto, Casa Escartino, Casa Juan, Casa Botero, Casa Franco, Casa Pardo, Casa Bergua y Casa Juan Antonio.
Ainielle estió albandonato en l'anyo 1960, anque José d'o Rufo, un hombre mayor y viudo estió encara o zaguer habitant d'o lugar dica l'anyo 1971 cuan tamién o dixó.
O lugar s'ha feito muit conoixito gracias a la novela de Julio Llamazares A plebia amariella an recenta a historia d'o zaguer habitador d'Ainielle.
Ainielle se troba en as garras occidentals d'o sarrato que en atros lugars de Sobrepuerto en dicen sarrato d'Ainielle. Iste sarrato fa de divisoria d'auguas entre a cuenca hidrolochica d'o río Galligo y a de l'Ara, por a part de Sobrepuerto, y o barranco que naixe aman d'o lugar, o barranco d'Ainielle, ye afluent directo d'o barranco d'Oliván. O sarrato d'Ainielle ye una extensión d'a sierra d'Erata, un d'os macizos que delimitan o Sobrepuerto, y yera a muga historica que despartiba o condau d'Aragón y o Sobrarbe[2], coincidindo con as mugas actuals d'as comarcas de l'Alto Galligo y Sobrarbe.
Toponimia
[editar | modificar o codigo]En o Libro del Reparo del General de 1489-1491 s'escribe Ainiello.
Molimentos
[editar | modificar o codigo]- Ilesia de Sant Chuan Evanchelista d'Ainielle, una ilesia adedicada a Sant Chuan Evanchelista, que ye la ilesia parroquial d'o lugar.[3]
Referencias
[editar | modificar o codigo]- ↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.8
- ↑ (es) SATUÉ OLIVÁN, Enrique. Ainielle, la memoria amarilla. Ed. PRAMES. Zaragoza, 2003. ISBN 84-8321-154-8
- ↑ (es) Parroquias del Arciprestazgo de Biescas en o sitio web d'a Diocesi de Chaca.
| Lugars d'o municipio de Biescas | |
|---|---|
| Poblaus: Aso de Sobremont | Betés de Sobremont | Biescas | Escuer Baixo | Espierre | Gavín | Oliván | Orós Alto | Orós Baixo | Piedrafita de Tena | Xabierre-Cuarnas | Yosa de Sobremont | Varbenuta Despoblaus: Ainielle | L'Artosa | Bergusa | Búbal | Casbas | Escuer Alto | Polituara | Saqués | Susín |
| Control d'autoridaz |
|
|---|
Datos: Q928396