Gavín

Gavín
Entidat local menor d'Aragón
Entidat  • País  • Provincia  • Comarca  • Municipio	Entidat local menor  Aragón  Uesca Alto Galligo Biescas
Población  • Total	85 hab.
Altaria  • Meyana	974 m.
Distancia  • 75 km	enta Uesca
Codigo postal	22639
Parroquial  • Diocesi  • Arcipestrau	Chaca Biescas
Coordenadas	42°37’12’’N 0°17’49’’U
Gavín Gavín en Aragón

Gavín ye un lugar situato en o municipio de Biescas (Alto Galligo, Uesca).

A val de Gavín a on se troba iste lugar que le da nombre ye o paso dende a val de Tena enta a val de Broto por meyo d'o puerto d'o Cotefablo a traviés de quantos tunels.

O suyo nombre pareixe que viene de l'antroponimo latín Gapius. As embotadas d'os habitants de Gavín son "sarroners" u "forigons". As casas d'o lugar son Alcaire, Andreu, Antón, Ansens, Bertolo, Blan, Blas, Caballero, Casaus, Catalán, Cazcarro, Chorche, Chuan Betés, Cura, Diego, Elena, Fabián, Ferrero, Forniga, Frauca, Fuertes, Isábal, Jacinto, Julián, Lorro, Marcos, Martina, Marzal, Molinera, Morel, Periqué, Sebastián, Segundo, Larrés, Olivana, Otal, Parejas, de Pescador, Petronilla, Plo y Tejedor

Un dito d'a redolada sobre Gavín diz:

Gavín perdíu,
as campanas rotas,
y o puente caíu.

Molimentos

• Ilesia de Nuestra Sinyora de l'Asumpción de Gavín, una ilesia moderna contruyida en o sieglo XX y adedicada a Nuestra Sinyora de l'Asumpción, que ye l'actual ilesia parroquial d'o lugar,

Bi ha bells molimentos importans arredol de Gavín.

• Repuis d'o Monesterio romanico de Sant Pelai (sieglo XI) situato amán d'a desembocadura d'o barranco de Sía. Fue albandonato en o sieglo XI y trobatas as suyas ruinas en 1997.
• Ermita de Sant Bertolomeu de Gavín (sieglo X), d'estilo mozarabe sarrablés. Situata dezaga o primer túnel d'o Cotefablo. Ye una ilesia d'una nau con abside rectangular. O suyo campanal ye en a parti meridional de l'ermita.
• L'antiga ilesia de Santa María de Gavín d'estilo larredense fue destruyita, como a resta d'o lugar, mientres a Guerra Civil en 1936. Dimpués d'a guerra l'abside d'a ilesia fue tresladato a o parque municipal de Samianigo.

Fiestas

• Sant Bertolomeu, 24 d'agosto, se fa una romería a l'ermita de Sant Bertolomeu.

Vinclos externos

• (an) Gavín
• (es) Os zerrigueltaires