Condau d'Aragón
- Iste articlo tracta sobre o Condau d'Aragón. Ta atros emplegos se veiga Aragón (desambigación).
| Condau d'Aragón Comitatus Aragoniae | ||||
| ||||
| Capital | Chaca | |||
| Idioma oficial • Atros idiomas |
Latín Romance aragonés | |||
| Relichión | Cristianismo | |||
| Gubierno | Monarquía | |||
| Conte • 809 • 1000-1035 |
Aureolus Sancho Garcés III | |||
| Periodo historico | Edat Meya | |||
O Condau d'Aragón s'orichina en una faixa monteriza en o Pireneu central que encluyiba as vals d'Ansó, Echo y Canfranc.
Va naixer como un intrés d'a dinastía franca carolinchia de protecher a suya muga sud d'as posibles enrestidas d'os musulmans d'Al-Andalus.
Anque imicialment estió baixo la tutela d'os reis francos, mientres que iba estendillando-se por a compleganza altera d'o río Galligo s'eslurtaba d'o emparo carolinchio y s'amanaba a lo nuclio de gubernants de Pamplona.
En afeminar-se a linia succesoria d'os contes d'Aragón y haber casau a la heredera d'o condau, Andregoto Galíndez, con o rei de Pamplona García Sánchez I fa que o fillo d'os dos, Sancho Garcés II levase os títols de rei de Pamplona y conte d'Aragón.
Istos títols irán unius dica l'anyo 1035 en que o testamento de Sancho o Mayor trestalla istas tierras entre os suyos fillos y anque Remiro I d'Aragón hereda con títol de conte supeditau a la corona de Pamplona, luitó lo increyible por consiguir a suya independencia.
O fillo de Remiro I, Sancho Remíriz, y o fillato Pietro I consiguen que Aragón dentre a fer parte d'os estaus occidentals a títol de reino; encara asinas se considera a Remiro I como primer rei d'a dinastía aragonesa.