Polituara

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Polituara
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Uesca Alto Galligo Biescas
Partiu chudicial	Chaca
Población  • Total	0 hab.
Altaria  • Meyana	1.107 m.
Codigo postal	22630
Parroquial  • Diocesi  • Arcipestrau	Chaca Biescas
Coordenadas	42°40’30’’N 0°19’13’’U
Polituara Polituara en Aragón

Polituara ye un lugar, hue albandonato, situato en o municipio de Biescas, en l'Alto Galligo. Os zaguers habitadors d'o lugar lo deixoron en os anyos 70 debito a la construcción de l'entibo de Búbal. Actualment o lugar ye propiedat d'a Confederación Hidrografica de l'Ebro.

Formaba parti d'o municipio d'Oz de Tena en 1857 dica 1873 quan pasó a estar parti d'o municipio de Piedrafita. Dende 1973 os dos lugars, Piedrafita y Polituara, fan parte d'o termin municipal de Biescas.

D'antis más Polituara yera la puerta de dentrata por o Camín Reyal a la Val de Tena. Destacaba la ilesia d'o sieglo XVIII en a que nomás se feban misas dos días a l'anyo o 2 de chulio, día d'a Vesitación, y o 6 d'agosto, Sant Roque. A resta de l'anyo se'n puyaba ta Búbal ta sentir a Santa misa. Os ninos puyaban ta Piedrafita ta ir a la escuela y as ninas ta Búbal.

Toponimia

O toponimo Polituara s'interpreta que vien d'o latín POLITORIA (puesto polito) con diftongación en -ua- en aragonés arcaico, como hue en bergotés y aragonés de Vallivió. Esto representa un fósil lingüistico en a evolución dende o sufixo latín -TŌRIU ta os sufixos patrimonials -adera, -idera, tamién con función locativa en predicadera y lavadero.

As casas

Bi heba cinco casas en Polituara:

• Casa el Royo.
• Casa Barrera.
• Casa Tapia.
• Casa Domec.
• Casa el Herrero.

Patrimonio

A Ilesia de Nuestra Sinyora de Polituara ye una ilesia d'o sieglo XVII adedicada a Nuestra Sinyora, estando l'actual ilesia parroquial d'o lugar.