Búbal

Búbal
Localidat d'Aragón
A ilesia de Sant Martín
Entidat  • País  • Provincia  • Comarca  • Municipio	Lugar Aragón  Uesca Alto Galligo Biescas
Población  • Total	0 hab.
Altaria	1090 m.
Codigo postal	22451
Chentilicio	bubalense
Parroquial  • Diocesi  •Arciprestato	Chaca Biescas
Ríos	Galligo

O entibo de Búbal en a val de Tena. O lugar de Búbal se veye a la dreita d'o entibo.

Búbal ye un lugar d'o municipio de Biescas (Uesca) en a val de Tena. Ye situato chunto a lo entibo d'o mesmo nombre, a los pietz d'a Penya Telera.

Se dividiba en dos vicos, o Vico Baixo con casa Esperanza, Arruaba, Portugués y Ainés y o Vico Alto con casa Mateo, Lorenza, Rocha, Galé, Pericaz, Paciencia, Fanlo, Mingo, Marton, el Royo, Agut, A Escuela y Tiburcio.

Tenió concello propio dica 1845 quan s'unió a Oz de Tena. En 1873 s'adhibió a Piedrafita dica que iste zaguer s'adhibió tamién a Biescas. O entibo prencipió a construir-se en l'anyo 1968 y Búbal fue albandonato en l'anyo 1970, igual que os suyos vecins Polituara y Saqués.

Ya en 1984 con o Programa de Recuperación de Lugars Albandonatos prencipian a reconstruir-sen as casas d'o lugar. Actualment se i fan tallers y chuegos con alumnos y voluntarios.

Os suyos habitants yeran os bubalenses, anque en a val yeran conoixitos con as embotatas de bienhabladitos y cascabellanos.

Toponimia

Dica prencipios d'o sieglo XVIII li se clamo Bual y ya en 1713 apareixe como Búbal.

Molimentos

A ilesia parroquial d'estilo barroco ye adedicata a Sant Martín, d'una sola nau, abside de capezera y vuelta d'ariesta con lunetos y capiellas laterals.

Demografía

Evolución demografica

Sieglo XV	Sieglo XVI	Sieglo XVII	Sieglo XVIII	Sieglo XIX	1970
6 fuegos	7 fuegos	20 fuegos	11 fuegos	106 ab.	5 ab.