Oliván

De Biquipedia
Ir ta: navego, busca
Oliván
Localidat d'Aragón
Anvista d'Oliván
Anvista d'Oliván.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Alto Galligo
Biescas
Población
 • Total

51 hab.
Altaria 900 m.
Codigo postal 22636
Chentilicio olivano
Parroquial
 • Diocesi
 •Arciprestato

Chaca
Biescas

Oliván ye un lugar aragonés situato en a Tierra de Biescas y que fa parte tamién d'o municipio de Biescas en a comarca de l'Alto Galligo y provincia de Uesca.

D'antis más tenió lo suyo propio municipio, dende 1834 y dica 1960-1970, que encluyiba os vecins lugars de Larrede, Xabierre-Cuarnas, Susín, Orós Baixo, Orós Alto y Casbas. Apareixe por primera vegata documentato en a "Documentación diplomatica de Fanlo" en 1035, a on amanixe "Ato Sanciones de Olivane". En 1044 o toponimo ye Ulibano y en 1061 Ulibane.

A suya ilesia romanica de Sant Martín, construyita arredol de l'anyada 1060, fa parte d'a rota d'ilesias de Sarrablo. Fue enamplata en o sieglo XVII ta acullir amás fidels y a suya torre campanal fue esviellata. Bi ha belas casas d'o sieglo XVII, destacando casa Aínsa, de 1651.

D'iste lugar ye orichinaria a familia infanzona Oliván que dimpués s'estendilló por Xabierre-Cuarnas, Os Corrals, Aso de Sobremón, Lamata, Abiego y Castellón de Val de Chasa. Os nombres d'as casas d'Oliván son Azón, Carlos, Chuan, Félix, Hilario, Chuanico, Marina, Herrero, Piquero, Capitán, Colorau, Borderas y Canela.

O chentilizio d'Oliván ye olivano, pero les dicen tamién "pataters" y "laminers" como se veye en o dito popular "Buena fambre la d'os mocetes d'Oliván, que se comieron os abozos del caldero y los llamaban lamineros".

Molimentos[editar | editar código]

Bibliografía[editar | editar código]

Vinclos externos[editar | editar código]


Lugars d'o municipio de Biescas
Poblaus: Aso de Sobremont | Betés de Sobremont | Biescas | Escuer Baixo | Gavín | Oliván | Orós Baixo | Piedrafita de Tena | Susín | Xabierre-Cuarnas | Yosa de Sobremont
Despoblaus: Ainielle | Barbenuta | Bergusa | Búbal | Casbas | Escuer Alto | Espierre | Orós Alto | Polituara | Saqués