Pardina de l'Artosa

De Biquipedia
Ir a la navegación Ir a la búsqueda
Pardina de l'Artosa
Pardina d'Aragón
Pardina de l'Artosa, Saqués, Uesca.jpg
Ruinas de l'Artosa
Entidat
 • País
 • Provincia
 • Comarca
 • Municipio
Pardina
Flag of Aragon.svg Aragón
Flag of Huesca (province).svg Uesca
Alto Galligo
Biescas
Población
 • Total

0 hab. (2020)
Codigo postal 22630
Coordenatas 42°42’11’’N 0°18’55’’U
Pardina de l'Artosa en Aragón
Pardina de l'Artosa
Pardina de l'Artosa
Situación de Pardina de l'Artosa en Aragón

A pardina de l'Artosa (en castellán pardina de Lartosa) ye una pardina situada baixo as auguas d'o entibo de Búbal, debant d'o lugar de Saqués, en o municipio de Biescas (Alto Galligo).

O lugar yera formau por una ilesia romanica d'una sola nau adedicada a Santa María y a pardina, situadas a bells 300 metros d'o puesto a on desembocaba o barranco de Gorgol en o Galligo.

Toponimia[editar | editar código]

Como o suyo propio nombre indica, una artosa ye un "puesto con artos".

Historia[editar | editar código]

Apareixe por primera vegada en un decumento relacionau con o monesterio de Sant Chuan d'a Penya o 22 de chunio de 1394, en o que o propio monesterio atreuda a Raimundo de l'Artosa, a suya filla y os suyos descencients a ilesia de Santa María de l'Artosa y a casa chunto a la ilesia. Perteneixeba a o priorato de Cercito, a on heba de bosar os treudos.

Administrativament l'Artosa perteneixeba a lo concello de Tramacastiella, pero ya en o sieglo XV os vecins de Saqués demandoron un dreito de vecindat que les permitiba d'emplegar o molín y levar a paixentar a lo bestiar a los monts de Tramacastiella. Tamién a electricidat a preneban d'a pardina dica que se construyó a central d'Escarriella.

En 1845 Pascual Madoz contabiliza nomás una casa que incluyiba un molín farinero. Ya en zaguerías d'a decada de 1920 bi habió un grieu incendio en a casa y a ilesia que fue reconstruyida poco dimpués. Dende l'anyo 1969 se troba baixo as auguas d'o entibo de Búbal.

O labrador y ganadero Pedro Arruebo (Tramacastiella de Tena, 1608), conoixiu por haber estau chuzgau por bruixería por o Trebunal d'a Enquisición de Zaragoza entre os anyos 1635 y 1640, estió logatario d'a pardina de l'Artosa.

Vinclos externos[editar | editar código]


Lugars d'o municipio de Biescas
Poblaus: Aso de Sobremont | Betés de Sobremont | Biescas | Escuer Baixo | Gavín | Oliván | Orós Alto | Orós Baixo | Piedrafita de Tena | Xabierre-Cuarnas | Yosa de Sobremont | Varbenuta
Despoblaus: Ainielle | L'Artosa | Bergusa | Búbal | Casbas | Escuer Alto | Espierre | Polituara | Saqués | Susín