Puerto de Cotefablo
| Cotefablo | |
|---|---|
.jpg) Puerto de Cotefablo |
|
| Situación | |
| País |  Aragón |
| De ta |
Biescas Broto |
| Datos chenerals | |
| Altaria | 1.423 m |
| Trazato / construyito en |
|
| Maxima costera | % |
| Longaria | km |
| Tipo | Carretera |
| Zarrato en hibierno entre |
|
O Cotefablo ye un puerto de montanya d'o Pireneu aragonés. Ye situato a 1423 metros d'altaria y une a villa de Broto, en o Sobrarbe, con a villa de Biescas, en l'Alto Galligo, por meyo d'a N-260. Bi ha dos tonels en o puerto, o tónel de Gavín y lo tónel de Cotefablo. Iste zaguer fue construito en 1935 y mientres a Guerra Civil estió campo de batalla. Dende 1993 ye tamién alumbrato.
O puerto prencipia en Biescas y remata en Broto, pasando por os lugars de Gavín, Yesero, Linás de Broto y Fraixén. Ye a rota tradicional ta ir dende a val de Tena enta o Sobrarbe.
Ye un puerto famoso entre os ciclistas aficionatos y profesionals. En a Vuelta ciclista a Espanya de 1989 l'alemán Raymund Dietzen tenió una cayedura grave en o tónel de Cotefablo, allora encara sin d'alumbrato, que li obligo a albandonar a practica d'iste esporte.
Cheolochicament ye un cuello ubierto en o flysch eocén pirenenco, que se troba entre as capeceras de dos barrancos, o barranco de Sía, afluent d'o río Galligo, y o barranco de Sorrosal, afluent de l'Ara.
[editar] Vinclos externos
- (es) O Puerto de Cotefablo, en a Gran Enciclopedia Aragonesa.
