Borda
Borda (d'o francico *bord, tabla) ye un nombre chenerico ta quantas menas d'edificacions emplegadas cheneralment ta cubillar-ie o bestiar u t'alzar-ie productos agricolas (más que más, a pastura d'o bestiar). Pallars, graners, lenyeras, tota ixa mena d'edificios son clamados bordas en es lugars pirenencos.
Os usos tradicionals d'istes edificios yeran variatos. Se i alzaba a hierba y as mieses antes d'a trilla, mientres que en atros puestos se i guardaban animals domesticos. L'uso cutiano d'istes edificidos fa que se'n trobe muitas amanadas ta's lugars, y a sobén arredolando as eras ta chirar-ie o grano dimpués de trillar-lo.
Ista mena d'edificios se feba servir de barra a barra d'a de's Pireneus, y son clamaus por iste nombre en Aragón, Catalunya, Occitania, Andorra y o País Vasco. En bells puestos d'o Sobrarbe s'emplega a variant diftongada Buerda.
