Val d'Echo

Val d'Echo
Municipio d'Aragón
Río Aragón Subordán en la val d'Echo
Entidat  • País  • Provincia  • Comarca  • Capital	Municipio Aragón  Uesca Chacetania Echo
Superficie	234,4 km²
Población  • Total	954 hab. (2009)
Altaria	800 m.
Distancia  • 100 km	enta Uesca
Codigo postal	22720
Chentilicio	cheso/a
Ríos	Aragón Subordán
Coordenatas	42°43’48’’N 0°44’24’’U
Val d'Echo Situación de Val d'Echo en Aragón

Esta fuella ye escrita en aragonés cheso.

La Val d'Echo ye una val y un municipio aragonés situau en la comarca de la Chacetania. Lo municipio ye formau por l'achuntamiento de los nuclios urbanos de Ciresa, Echo, Urdués, Embún y Santa Lucía en 1971.

En la parti Norte d'esta Val ye situada, entre los 1.000 y los 1.800 metros d'altura, se troba la Selva d'Oza.

Cultura

Lo cheso

En la Val d'Echo se fabla una variedat particular de la luenga aragonesa, clamada cheso. Los chovens d'Echo charran la suya luenga por las carreras de forma habitual. Esta ye una diferencia clara con otras villas de la redolada en do ye difícil escuitar-lo en las bocas de los mocetz y mocetas. La razón d'esta realidat ye que los mayestros de las otras Villas, a lo contrario qu'en Echo, no quereban se charra-se asina, ya qu'entendeban que yera obstaclo pa los suyos alumnos si se'n iban ta la emigrazion y no conoceban bien lo castellano. Lo escritor en cheso, y tamién mayestro en la Villa, Veremundo Méndez Coarasa, no lo creyeba asina y por ixa razón estió, y ye, sin duda, la referencia de muitas chents de la Villa d'Echo pa charrar con rasmia y orgullo esta variedat de l'aragonés.

Bisas de lo Subordán

Bisas de lo Subordán ye una polida publicacion feita por las chents de lo lugar, escrita en cheso y castellano, en do se veyen muitos temas de la vida y la cultura d'esta Val.

Amistat con lo Biarn

Bi ha una estreita relacion con los municipios de lo costau norte, lo Biarn. Se fan marchas senderistas dende un costau ta l'otro de la buga cada anyada con comida fraternal pa rematar la chornada. En esta trobada se charran y cantan en las luengas de lo Pireneu. Tamién se fa otra trobada anual en lo ibón d'Astaners con la misma intención y ambiente d'amistat.

Lo Vistiu Tradicional

Lo vistiu de las chents d'estas Vals de lo Pireneu (lo trache cheso) ye muito pareciu, con los de Roncal (Navarra) y de lo vecino Ansó. Las diferencias son claras, pero las principals caracteristicas se veyen que son comuns. En la Val d'Echo no se conoz la razón que no estase a vestimenta habitual de las chents de lo lugar como lo estió en Ansó dica lo fin de lo siglo XX, quando se podeba vier chen con lo traje en las carreras ansotanas.

Grupo Folklorico de la Val d'Echo

Lo Grupo Folklorico de la Val d'Echo ye l'orgullo d'esta Val, grupo qu'ha feito quantas gravacions con las cancions populars tradicionals y tamién nuevas creacions. Lo director y alma de lo grupo ye Pepe Lera, autor de la cancion, S'ha feito de nueit, que ye ya clasica y s'escuita y canta en todo Aragón, dende lo Pireneu enta lo Mayestrazgo.

Las navatas

Los fayos y abetes de los mons de las Vals Occidentals de lo Pireneu aragonés (Echo y Ansó) estieron los primers que baixaron por los ríos d'estas Vals en navata, dimpués ta l'Aragón y fer lo largo camín que podeba terminar en Tortosa. Las dificultatz con lo Reino de Navarra fició que los chesos y ansotanos deixasen de fer esti comercio. Anyadas dimpués, dende a Villa de Sangüesa,se comencipia a fer lo transporte de fustas, (los troncos de fayos y abetes) agora dende lo territorio navarro u siga, dende la Val de Roncal. Ta asti plegueron las tecnicas y lo lenguaje de las vals aragonesas, asina la luenga, las parolas que utilizan agora los navaters roncaleses tien ixe orichen. Agora ye intinción de las chents de la Val d'Echo recuperar y recrear esta practica como lo fan los becinos navarros de Burgui cada primero de Mayo con mils de presonas que veyen lo descenso por lo rio Esca. En 2008 s'ha feito en Echo la recreación d'esta practica que nacié en estas Vals d'Aragón.

Capilla de Música Sebastián Alfonso

La afición a la musica en la val facié que en 1999 un grupo de chovens chesos empecipiase a achuntarse a cantar. Asinas nacié esta agrupación coral.

Se veiga tamién

• Ibón de l'Acherito. Esti ibón ye situato, cheograficamente, en la Val d'Echo y las suyas auguas van ta o Barranco d'Acherito que las chunta con las de lo río Aragón Subordán en lo lugar clamau La Mina, pero cal decir y aclarar que lo Ibón d'Acherito ye dentro de lo termino alministrativo d'Ansó.
• Ibón d'Astaners. Tamién en lo termino alministrativo d'Ansó, pero ye un buen lugar pa conocer dende la Villa d'Echo, como todos los mons y vals que bi ha en lo camino ta lo norte, ta la buga con Francia.

Demografía

Evolución demografica

1362 f 1495 f 1842 1857 1860 1877 1887 1897 1900 - - 776 1.676 1.709 2.022 1.808 1.575 1.661

1910 1920 1930 1940 1950 1960 1970 1981 1991 1.414 1.340 1.226 1.148 1.207 1.074 970 1.107 993

1992 1994 1996 1997 1998 1999 2000 2001 2002 - - 1.005 - 980 959 992 994 993

2003 2004 2005 2006 2007 2008 2009 2010 2011 994 984 973 973 957 949 954 - -

2012 2013 2014 2015 2016 2017 2018 2019 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón	2	-	-	6	5	2	4	5	4
Partido Aragonés	-	-	-	2	0	0	1	1	2
Partido Popular	-	-	-	1	4	2	1	1	1
Chunta Aragonesista	-	-	-	-	-	-	1	-	-
Independients	-	-	-	-	-	3	-	-	-
Unión de Centro Democrático	7	-	-	-	-	-	-	-	-
Total	9	-	-	9	9	7	7	7	7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Luis Gutiérrez Larripa	Partido de los Socialistas de Aragón

Vinclos externos

• Pachina web no oficial.