Roncal

Roncal
Municipio de Navarra
Frontón.
Entidat  • Estato  • Comunidat  • Comarca	Municipio Espanya  Navarra Comarca de Roncal y Sarasaz
Superficie	38,8 km²
Población  • Total	271 hab. (2008)
Altaria	720 m.
Distancia  • 90 km	enta Pamplona
Codigo postal	31415
Chentilicio	roncalés/a
Ríos	río Esca

Roncal (Erronkari en vasco) ye un municipio de Navarra situato en a merindat de Sangüesa, comarca de Roncal y Sarasaz y partito chudicial d'Aoiz. Ye a cabezera y capital d'a val de Roncal y tien a categoría de "villa ".

A suya población ye de 271 habitants (2008), en una superficie de 38,8 km², con una densidat de población de 6,98 hab/km².

Cheografía

Ye situato en o norueste de Navarra, en os Pireneus, a 720 metros d'altaria sobre o ran d'a mar, a o canto d'o río Esca y a una distancia de 90 km de Pamplona, a capital de Navarra.

Cultura

Se i charraba d'antis mas como en a resta d'a val o dialecto roncalés d'o vasco, amortato dende l'anyo 1991 quan morió a suya zaguera fablant nativa Fidela Bernat.

Economía

A prencipal actividat economica de Roncal ye a ganadería, con a fabricación de queso (o queso de Roncal, feito con leit de uella, con Denominación d'Orichen Protechita dende 1991).

Administración

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003	Agapito Boj Garate	Independient
2003–2007	Agapito Boj Garate	Independient
2007–2011	Agapito Boj Garate	Independient

Molimentos

• Ilesia de Sant Esteban, d'o sieglo XVI, una ilesia en estilo gotico-renaixentista, con retablos barrocos y churriguerescos y con un coro d'o sieglo XVIII tamién d'estilo barroco.
• Ermita de Nuestra Sinyora d'o Castiello, con una escultura d'a Virchen María de fins d'o sieglo XII en estilo romanico.
• Dolmen de Lubrakieta.
• Casa López, de 1777.
• Casa Gambra, un edificio de 1739 en estilo barroco.
• Casa Sanz Orrio, d'o sieglo XVIII, con frontera barroca.

Personas famosas naixitas d'ista localidat

• Julián Gayarre, (1844 - 1890), tenor.
• Fructuoso Orduna, (1893 - 1973), escultor.
• Sebastián de Albero, (1722- 1756), mosico.

Se veiga tamién

• Lista de municipios de Navarra